പാക്കിസ്ഥാനെതിരെ വീണ്ടും വിമര്ശനവുമായി പ്രതിരോധമന്ത്രി രാജ്നാഥ് സിങ്; മോഡിസര്ക്കാരിനെതിരെ പാകിസ്ഥാന് അനാവശ്യ പ്രകോപനങ്ങള്ക്ക് ശ്രമിക്കുകയാണ്
കശ്മീര് വിഷയത്തില് പാക്കിസ്ഥാന് അവകാശവാദങ്ങളൊന്നും ഉന്നയിക്കാനില്ലെന്ന് പറഞ്ഞ് പാക്കിസ്ഥാനെതിരെ വീണ്ടും വിമര്ശനവുമായി പ്രതിരോധമന്ത്രി രാജ്നാഥ് സിങ്. പാക്കിസ്ഥാന്റെ ഭാഗമല്ലെന്നിരിക്കെ എന്തിന് വേണ്ടിയാണ് കശ്മീരിന് വേണ്ടി കരയുന്നത് എന്നായിരുന്നു രാജ്നാഥ് സിങ്ങിന്റെ ചോദ്യം. കശ്മീരിനായി പാകിസ്ഥാന് കണ്ണീരൊഴുക്കുന്നത് വ്യര്ഥമാണെന്നും രാജ്നാഥ് സിങ് കൂട്ടിച്ചേര്ത്തു. കശ്മീരിലെ ലെഹില് കിസാന് ജവാന് വിഗ്യാന് മേള ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.പാക്കിസ്ഥാന്റെ നിലനിലനില്പ്പിനെ അംഗീകരിക്കുന്നു.
കശ്മീരിനെ സംബന്ധിച്ച് നിര്ണായകതീരുമാനമെടുത്തതിനെ തുടര്ന്ന് മോഡിസര്ക്കാരിനെതിരെ പാകിസ്ഥാന് അനാവശ്യ പ്രകോപനങ്ങള്ക്ക് ശ്രമിക്കുകയാണെന്നും അദ്ദേഹം കുറ്റപ്പെടുത്തി. പാകിസ്ഥാന് രൂപീകരിക്കപ്പെട്ടതിന് ശേഷം ആ രാജ്യത്തിന്റെ സ്വത്വത്തെ ഇന്ത്യ അംഗീകരിച്ചിട്ടുണ്ട്. കശ്മീര് എന്നും ഇന്ത്യയുടെ ഭാഗമാണ്. അയല്രാജ്യവുമായി മികച്ച ബന്ധം പുലര്ത്താനാണ് ഇന്ത്യ ആഗ്രഹിക്കുന്നത്. എന്നാല് ഇന്ത്യയിലേക്ക് ഭീകരരെ കയറ്റിയയക്കുന്ന രാജ്യവുമായുള്ള സൗഹൃദം അസാധ്യമാണെന്നും രാജ്നാഥ് സിങ് പറഞ്ഞു.
ഇന്ത്യയിലേക്ക് ഭീകരത കയറ്റി അയക്കുന്നത് പാകിസ്ഥാന് നിര്ത്തണം. കശ്മീര് എക്കാലത്തും ഇന്ത്യയുടെ ഭാഗമായിരിക്കുമെന്നും രാജ്നാഥ് സിങ് പറഞ്ഞു. രാജ്നാഥ് സിങിന്റെ കശ്മീര് സന്ദര്ശനം പുരോഗമിക്കുകയാണ്.
https://www.facebook.com/Malayalivartha