സാനിയ മിർസ എന്ന കായിക താരത്തെ അറിയാത്തവരായി ഒരുപക്ഷെ ആരും കാണില്ല ,എന്നാൽ ദേശീയ കായികദിനാഘോഷത്തിന്റെ ഭാഗമായി പതിച്ച പോസ്റ്ററില്‍ ടെന്നീസ് താരം സാനിയാ മിര്‍സയുടെ ചിത്രത്തിന് താഴെ അത്‌ലറ്റ് പി.ടി ഉഷയുടെ പേര് പ്രത്യക്ഷപ്പെട്ടത് സമൂഹ മാധ്യമങ്ങൾ ഏറ്റെടുത്തിരിക്കുകയാണ് . പോസ്റ്ററിലെ തെറ്റ് ചൂണ്ടികാട്ടി കൊണ്ട് സംഭവം സാമൂഹ്യമാധ്യമങ്ങളില്‍ വൈറലാവുകയായിരുന്നു. കുറച്ച് ദിവസങ്ങള്‍ക്ക് മുന്‍പ് ആന്ധ്രപ്രദേശ് മുഖ്യമന്ത്രി വൈ.എസ് ജഗന്‍ മോഹന്‍ റെഡ്ഡി സര്‍ക്കാര്‍ ദേശീയ തലത്തില്‍ മെഡലുകള്‍ നേടിയ കായികതാരങ്ങള്‍ക്ക് ‘ഥടഞ ഗൃലലറമ ജൃീമേമെവമസമഹൗ’ എന്ന പേരില്‍ ക്യാഷ് അവാര്‍ഡുകള്‍ പ്രഖ്യാപിക്കുകയും ദേശീയ കായിക ദിനത്തോടനുബന്ധിച്ച് അതിന്റെ പരിപാടികള്‍ നടത്തുവാനും തീരുമാനിച്ചിരുന്നു.

ദേശീയ കായികദിനാഘോഷത്തിന്റെ ഭാഗമായി ജഗന്‍മോഹന്‍ റെഡ്ഡിയുടേയും സാംസ്‌കാരിക യുവജനക്ഷേമ വകുപ്പ് മന്ത്രി മുത്തംസെട്ടി ശ്രീനിവാസ് റാവുവിന്റേയും കായികതാരങ്ങളുടേയും ചിത്രങ്ങള്‍ അടങ്ങുന്ന പോസ്റ്ററുകളും പതിച്ചിരുന്നു. അതില്‍ ‘ടെന്നീസ്’ എന്ന വിഭാഗത്തില്‍ സാനിയ മിര്‍സയുടെ ചിത്രത്തിനുതാഴെ പി.ടി. ഉഷ, ‘പത്മഭൂഷന്‍, പത്മശ്രീ, അര്‍ജ്ജുന അവാര്‍ഡ്’ എന്നാണ് പേര് അച്ചടിച്ചിരുന്നത്. എന്തായാലും ട്രോളന്മാർ സംഭവം ഏറ്റെടുത്തതിന് പിന്നാലെ സംഭവം വൈറലായിരിക്കുകയാണ് .