ഇ​ന്ത്യ​ൻ വ്യോ​മ​സേ​ന ആ​ക്ര​മ​ണം ന​ട​ത്തി​യ പാ​ക്കി​സ്ഥാ​നി​ലെ ബാ​ല​ക്കോ​ട്ട് വീ​ണ്ടും ഭീ​ക​ര ക്യാമ്പു​ക​ൾ സ​ജീ​വ​മാ​കു​ന്നു​വെ​ന്ന വെളിപ്പെടുത്തലുമായി ക​ര​സേ​ന മേ​ധാ​വി ബി​പി​ൻ റാ​വ​ത്ത്. കുറച്ച് ദിവസങ്ങൾ മുമ്പ് വീണ്ടും ജയ്ഷെ തീവ്രവാദികൾ ഈ ക്യാമ്പ് പുനർനിർമിക്കാൻ തുടങ്ങിയതായി ഇന്ത്യക്ക് വിവരം ലഭിച്ചതായും ബിപിൻ റാവത്ത് വ്യക്തമാക്കി. അതിർത്തി കടന്നുള്ള തീവ്രവാദത്തിന് ഇന്ത്യയുടെ മറുപടി ബാലാകോട്ടിലും കനത്തതാകുമെന്ന് ജനറൽ ബിപിൻ റാവത്ത് മുന്നറിയിപ്പ് നൽകി.

ചെന്നൈയിലെ ഓഫീസേഴ്‍സ് ട്രെയിനിംഗ് അക്കാദമിയിൽ മാധ്യമപ്രവ‍ർത്തകരോട് സംസാരിക്കുകയായിരുന്നു ജനറൽ ബിപിൻ റാവത്ത്. ഏതാണ്ട് 500-ഓളം നുഴഞ്ഞുകയറ്റക്കാർ ഇന്ത്യയുടെ പല അതിർത്തികളിലായി തക്കം പാർത്തിരിക്കുന്നുണ്ടെന്നും, ഈ എണ്ണം കൂടാനാണ് സാധ്യതയെന്നും ബിപിൻ റാവത്ത് മുന്നറിയിപ്പ് നൽകി.

അടുത്തിടെയാണ് പാകിസ്ഥാന്‍ ബാലാകോട്ടിലെ ഭീകര കേന്ദ്രത്തിന്റെ പ്രവര്‍ത്തനം പുനരാരംഭിച്ചത്. അതിന്റെ അര്‍ഥം ഇവിടത്തെ തീവ്രവാദ കേന്ദ്രങ്ങള്‍ തകര്‍ക്കപ്പെട്ടിരുന്നു എന്നാണ്. അതുകൊണ്ടാണ് അവിടെയുണ്ടായിരുന്നവര്‍ പ്രവര്‍ത്തനം അവസാനിപ്പിച്ച് മറ്റിടങ്ങളിലേയ്ക്ക് പോയതും ഇപ്പോള്‍ വീണ്ടും തിരികെവന്ന് പ്രവര്‍ത്തനം പുനരാരംഭിച്ചതും എന്ന് ബിപിന്‍ റാവത്ത് ചൂണ്ടിക്കാട്ടി.

ഈ വെല്ലുവിളികളെല്ലാം നേരിടാൻ തീർത്തും സജ്ജമാണ് ഇന്ത്യൻ സൈന്യമെന്ന് ബിപിൻ റാവത്ത് അറിയിച്ചു. ബാലാകോട്ട് പോലൊരു പ്രത്യാക്രമണം ഇന്ത്യ തുടരുമോ എന്ന് ചോദിച്ചപ്പോൾ അദ്ദേഹം പ്രതികരിച്ചതിങ്ങനെ: ''എന്തുകൊണ്ട് ബാലാകോട്ട് ആവർത്തിക്കണം? അതിനുമപ്പുറത്തുള്ള തിരിച്ചടി നൽകിക്കൂടേ? അവർ എന്തുണ്ടാകുമെന്ന് ആലോചിച്ചുകൊണ്ടേയിരിക്കട്ടെ''.

കശ്മീരിൽ തീവ്രവാദികളാണ് പ്രശ്നമുണ്ടാക്കുന്നതെന്ന് ബിപിൻ റാവത്ത് പറഞ്ഞു. താഴ്‍വരയിൽ ജനജീവിതം സാധാരണ നിലയിലാണ്. പാകിസ്ഥാൻ തീവ്രവാദികളെ ഉപയോഗിച്ച് കശ്മീരിൽ ഒളിപ്പോര് നടത്തുകയാണ്. നിയന്ത്രണങ്ങൾ ഘട്ടം ഘട്ടമായി എടുത്തുമാറ്റുമെന്നും അദ്ദേഹം വ്യക്തമാക്കി.

കശ്മീരിന് പ്രത്യേക അധികാരം നല്‍കുന്ന ആര്‍ട്ടിക്കിള്‍ 370 റദ്ദാക്കുകയും ജമ്മു കശ്മീരിനെ വിഭജിക്കുകയും ചെയ്ത സാഹചര്യത്തിലാണ് പാകിസ്താന്റെ പിന്തുണയോടെ ജെയ്ഷേ മുഹമ്മദ് ഇവിടത്തെ ഭീകരകേന്ദ്രം പുനരാരംഭിച്ചതെന്ന് കഴിഞ്ഞ ദിവസം റിപ്പോർട്ടുകൾ ഉണ്ടായിരുന്നു. കശ്മീരിലെ ഇന്ത്യന്‍ നടപടികള്‍ക്ക് പിന്നാലെ ഇന്ത്യയെ ലക്ഷ്യം വെക്കുന്ന ഭീകര ഗ്രൂപ്പുകള്‍ക്കുള്ള നിയന്ത്രണങ്ങള്‍ക്ക് പാകിസ്താന്‍ ഇളവ് വരുത്തിയതായും വാര്‍ത്തകളുണ്ടായിരുന്നു.

ക​ഴി​ഞ്ഞ ഫെ​ബ്രു​വ​രി 27നാ​ണ് വ്യോ​മ​സേ​ന​യു​ടെ യു​ദ്ധ വി​മാ​ന​ങ്ങ​ള്‍ അ​തി​ര്‍ത്തി ക​ട​ന്ന് ബാ​ലാ​ക്കോ​ട്ടി​ലെ ജെ​യ്‌​ഷെ കേ​ന്ദ്രം ബോം​ബി​ട്ട് ത​ക​ര്‍ത്ത​ത്. ഫെ​ബ്രു​വ​രി 14ന് ​ക​ശ്മീ​രി​ലെ പു​ല്‍വാ​മ​യി​ൽ ജ​യ്ഷെ മു​ഹ​മ്മ​ദ് ന​ട​ത്തി​യ ചാ​വേ​റാ​ക്ര​മ​ണ​ത്തി​ൽ 40 സി​ആ​ര്‍പി​എ​ഫ് ജ​വാ​ന്‍മാ​ര്‍ക്കു ജീ​വ​ൻ ന​ഷ്ട​മാ​യ​തി​നു തി​രി​ച്ച​ടി​യാ​യി​രു​ന്നു ഇ​ന്ത്യ​യു​ടെ വ്യോ​മാ​ക്ര​മ​ണം. സി​ആ​ർ​പി​എ​ഫ് വാ​ഹ​ന​വ്യൂ​ഹ​ത്തി​ലേ​ക്കു സ്ഫോ​ട​ക​വ​സ്തു നി​റ​ച്ച വാ​ൻ ഇ​ടി​ച്ചു​ക​യ​റ്റു​ക​യാ​യി​രു​ന്നു ജ​യ്ഷെ ഭീ​ക​ര​ൻ. ഇതിനെ തുടര്‍ന്ന് ഇന്ത്യയും പാകിസ്ഥാനും തമ്മിലുള്ള ബന്ധത്തില്‍ വലിയ വിള്ളലുകളുണ്ടായിരുന്നു.

ബാ​ല​ക്കോ​ട്ട് ആ​ക്ര​മ​ണ​ത്തി​ൽ മു​ന്നൂ​റോ​ളം പാ​ക് ഭീ​ക​ര​ർ‌ കൊ​ല്ല​പ്പെ​ട്ട​താ​യാ​ണു റി​പ്പോ​ർ​ട്ട്. പു​ൽ​വാ​മ ആ​ക്ര​മ​ണ​ത്തോ​ടെ അ​ന്താ​രാ​ഷ്‌​ട്ര ത​ല​ത്തി​ൽ ത​ന്നെ ഒ​റ്റ​പ്പെ​ട്ട പാ​ക്കി​സ്ഥാ​നി​ൽ മാ​സ​ങ്ങ​ളാ​യി ഭീ​ക​ര​ക്യാം​പു​ക​ൾ നി​ർ​ജീ​വ​മാ​യി​രു​ന്നു. ഭീ​ക​ര​ർ​ക്കും വി​ഘ​ട​ന​വാ​ദി​ക​ൾ​ക്കു​മെ​തി​രേ ഇ​ന്ത്യ ശ​ക്ത​മാ​യ ന​ട​പ​ടി​ക​ളെ​ടു​ത്ത​തോ​ടെ ക​ശ്മീ​ർ ഏ​റെ​ക്കു​റെ സ​മാ​ധാ​ന​ത്തി​ലേ​ക്കു നീ​ങ്ങു​ന്ന​തി​നെ​ത്തു​ട​ർ​ന്നാ​ണു വീ​ണ്ടും ഭീ​ക​ര​രെ പി​ന്തു​ണ​യ്ക്കു​ന്ന പാ​ക് നീ​ക്കം.