പുല്വാമയില് സ്ഫോടന നീക്കം തകര്ത്ത് സൈന്യം... ജമ്മുകാഷ്മീരിലെ പുല്വാമയില് ബോംബ് ആക്രമണം നടത്താനുള്ള നീക്കം സുരക്ഷാസേന പരാജയപ്പെടുത്തി, ഇന്നു രാവിലെയാണ് സ്ഫോടക വസ്തുവായ ഐഇഡി ഒളിപ്പിച്ച കാര് ചെക്ക്പോസ്റ്റില് വച്ച് സൈന്യം കണ്ടെത്തിയത്
പുല്വാമയില് കഴിഞ്ഞ വര്ഷമുണ്ടായ ബോംബ് ആക്രമണം രാജ്യത്തെ നടുക്കിയിരുന്നു .നാല്പ്പതോളം സിആര്പിഎഫ് ജവാന്മാര്ക്കാണ് അന്ന് ജീവന് നഷ്ടപ്പെട്ടത്. ഈ സംഭവത്തിന് സമാനതകളുള്ള ഒരു സംഭവം നടന്നിരിക്കുകയാണ് . ജമ്മുകാശ്മീരിലെ പുല്വാമയില് ബോംബ് ആക്രമണം നടത്താനുള്ള പദ്ധതി സുരക്ഷാസേന പരാജയപ്പെടുത്തി. വ്യാഴാഴ്ച രാവിലെയാണ് സ്ഫോടക വസ്തുവായ ഐഇഡി ഒളിപ്പിച്ച കാര് ചെക്ക്പോസ്റ്റില് വച്ച് സൈന്യം കണ്ടെത്തിയത്. എന്നാല് ഡ്രൈവര് രക്ഷപെട്ടു.അതിനു ശേഷം വാഹനം ഒഴിഞ്ഞ സ്ഥലത്തെത്തി സ്ഫോടനം നടത്തുകയും ബോംബ് നശിപ്പിക്കുകയുമായിരുന്നു
വ്യാജ നമ്പര് പതിപ്പിച്ച വെള്ള ഹുണ്ടായി സാന്ട്രോ കാറിലാണ് സ്ഫോടക വസ്തുക്കള് നിറച്ചിരുന്നത്. ചെക്ക്പോസ്റ്റില് വച്ച് വാഹനം നിര്ത്തുവാന് സുരക്ഷാഉദ്യോഗസ്ഥര് ആവശ്യപ്പെട്ടിരുന്നുവെങ്കിലും ഡ്രൈവര് കാറോടിച്ചു പോകുവാന് ശ്രമിച്ചു. തുടര്ന്ന് സുരക്ഷാസേന വെടിയുതിര്ത്തുവെങ്കിലും ഡ്രൈവര് കാറില് നിന്നുമിറങ്ങി ഓടി രക്ഷപെട്ടു.
ആക്രമണ സാധ്യതയുണ്ടാകുമെന്ന് തങ്ങള്ക്ക് രഹസ്യ സൂചന ലഭിച്ചിരുന്നതായി ഐജി വിജയകുമാര് പറഞ്ഞു. ഐഇഡി നിറച്ച വാഹനത്തിനായി തങ്ങള് ഇന്നലെ മുതല് തിരച്ചില് ആരംഭിച്ചിരുന്നുവെന്നും അദ്ദേഹം വ്യക്തമാക്കി. ബോംബ് സ്ക്വാഡ് സ്ഫോടകവസ്തുക്കള് നിര്വീര്യമാക്കി.
പൊലീസ് നിരവധി തവണ വെടിയുതിര്ത്തു. നാഷണ് ഇന്വെസ്റ്റിഗേഷന് ഏജന്സി സ്ഥലത്തെത്തി കേസ് ഏറ്റെടുത്തു. പരിശോധനയില് കാറിന്റെ മുന്സീറ്റിനടിയില് ഒളിപ്പിച്ചുവെച്ച നിലയിലാണ് സ്ഫോടകവസ്തുക്കള് കണ്ടെത്തിയത്. ഉടന്തന്നെ സമീപത്തുള്ള വീട്ടുകാരെ ഒഴിപ്പിച്ചു. ബോംബ് നിര്വീര്യമാക്കുന്നതിനുള്ള സ്ക്വാഡ് സ്ഥലത്തെത്തി. ജമ്മുവിലെ ഒരു സ്കൂട്ടറിന്റെ നമ്ബര് പ്ലേറ്റാണ് കാറില് ഉപയോഗിച്ചിരുന്നത്.
"
https://www.facebook.com/Malayalivartha