ഉത്തർപ്രദേശിലെ മീററ്റ് മെഡിക്കൽ കോളജിൽ നിന്ന് കൊറോണ വൈറസ് പരിശോധനക്കായുള്ള സാമ്പിളുകൾ ഒരുകൂട്ടം കുരങ്ങന്മാർ തട്ടിയെടുത്തു ..
ഉത്തർപ്രദേശിലെ മീററ്റ് മെഡിക്കൽ കോളജിൽ നിന്ന് കൊറോണ വൈറസ് പരിശോധനക്കായുള്ള സാമ്പിളുകൾ ഒരുകൂട്ടം കുരങ്ങന്മാർ തട്ടിയെടുത്തു .. സാമ്പിളുകൾ തട്ടിയെടുത്ത ഇവ ഓടി രക്ഷപ്പെട്ടു.
കോവിഡ് -19 രോഗികളുടെ സാമ്പിളുകൾ പരിശോധനയ്ക്കായി കൊണ്ടുപോയ ലാബ് ടെക്നീഷ്യനെ ഒരു കൂട്ടം കുരങ്ങുകൾ ചേർന്ന് ആക്രമിക്കുകയായിരുന്നു.. മൂന്ന് സാമ്പിളുകൾ ആണ് ഇവ തട്ടിയെടുത്തത് ..സാമ്പിൾ കയ്യിൽ കിട്ടിയ ഉടനെ കുരങ്ങുകൾ ഓടി രക്ഷപ്പെടുകയും ചെയ്തു.
മീററ്റ് മെഡിക്കൽ കോളജിന്റെ പരിസരത്താണ് സംഭവം. മൂന്ന് രോഗികളിൽ നിന്ന് ഡോക്ടർമാർ വീണ്ടും സാമ്പിളുകൾ ശേഖരിച്ചുവെങ്കിലും കോവിഡ് -19 രോഗികളുടെ സാമ്പിളുകൾ കുരങ്ങുകൾക്കൊപ്പമുള്ളതിനാൽ പ്രദേശത്ത് പരിഭ്രാന്തി പരന്നിട്ടുണ്ട്. സംഭവത്തിന്റെ വീഡിയോ ഇപ്പോൾ സമൂഹ മാധ്യമങ്ങളിൽ വൈറലായിട്ടുണ്ട്.
വീഡിയോയിൽ, ഒരു കുരങ്ങൻ മരത്തിൽ ഇരുന്നു സാമ്പിൾ കളക്ഷൻ കിറ്റ് ചവയ്ക്കുന്നതായി കാണാം.
https://www.facebook.com/Malayalivartha