ചാരപ്രവര്‍ത്തനത്തിന്റെ പേരില്‍ പാക്കിസ്ഥാന്‍ ഹൈക്കമ്മീഷനിലെ മൂന്ന് ഉദ്യോഗസ്ഥര്‍ക്കെതിരെ ഇന്ത്യ നടപടിയെടുത്തതിന് പിന്നാലെ പ്രതികരണവുമായി പാക്കിസ്ഥാന്‍ രംഗത്ത്. പാക്കിസ്ഥാന്‍ ഉദ്യോഗസ്ഥര്‍ ചാരപ്രവര്‍ത്തനം നടത്തിയിട്ടില്ലെന്നും ഇന്ത്യയുടെ നടപടി തെറ്റിദ്ധാരണമൂലമാണെന്നുമാണ് പാക്കിസ്ഥാന്‍ നല്‍കുന്ന വിശദീകരണം. നയതന്ത്ര ബന്ധവുമായി ബന്ധപ്പെട്ട വിയന്ന കണ്‍വെന്‍ഷന്‍ ധാരണ ഇന്ത്യ ലംഘിച്ചെന്നും പാക്കിസ്ഥാന്‍ ആരോപിച്ചു. കൂടാതെ, നയതന്ത്ര ഉദ്യോഗസ്ഥരുടെ പ്രവര്‍ത്തനങ്ങളില്‍ ഇന്ത്യ അനാവശ്യമായി ഇടപെടുകയാണെന്നും പാക്കിസ്ഥാന്‍ കുറ്റപ്പെടുത്തി.

കഴിഞ്ഞ ദിവസമാണ് ചാരപ്രവര്‍ത്തനത്തിന്റെ പേരില്‍ പാക്കിസ്ഥാന്‍ ഹൈക്കമ്മീഷനിലെ മൂന്ന് ഉദ്യോഗസ്ഥര്‍ക്കെതിരെ ഇന്ത്യ നടപടി കൈകൊണ്ടത്. വ്യാജ പേരില്‍ പുറത്തിറങ്ങി പ്രതിരോധമേഖലയിലെ വ്യക്തിയില്‍ നിന്ന് സൈനിക വിവരങ്ങള്‍ ചോര്‍ത്താന്‍ ഇവര്‍ ശ്രമിച്ചെന്നാണ് ഇന്ത്യയുടെ ആരോപണം.

ചാരപ്രവര്‍ത്തന0 നടത്തിയെന്ന് തെളിഞ്ഞ രണ്ട് പേരെ രാജ്യത്ത് നിന്ന് പുറത്താക്കി. ഇവരോട് 48 മണിക്കൂറിനുള്ളില്‍ രാജ്യം വിടാനാണ് ഇന്ത്യ നല്‍കിയിരിക്കുന്ന നിര്‍ദേശ0. ഹൈക്കമ്മീഷനിലെ ആബിദ് ഹുസൈന്‍, ജാവേദ് ഹുസൈന്‍ എന്നിവര്‍ക്ക് പാക് ചാരസംഘടനയായ കടകയുമായി നേരിട്ട് ബന്ധമുണ്ടെന്നാണ് കണ്ടെത്തിയിരിക്കുന്നത്. മിലിട്ടറി ഇന്റലിജന്‍സും ഡല്‍ഹി പോലീസും നടത്തിയ സംയുക്ത അന്വേഷണത്തിലാണ് കണ്ടെത്തല്‍. തുടര്‍ന്നാണ് ഇന്ത്യ നടപടി സ്വീകരിച്ചത്. ഇവര്‍ക്കെതിരെ ഓഫീഷ്യല്‍ സീക്രട്ട് ആക്ട് പ്രകാരം എകഞ രജിസ്റ്റര്‍ ചെയ്തതയാണ് റിപ്പോര്‍ട്ട്.

നയതന്ത്ര ദൗത്യത്തിലെ അംഗങ്ങള്‍ എന്ന നിലയില്‍, അവരുടെ പദവിക്ക് അനുയോജ്യമല്ലാത്ത പ്രവര്‍ത്തനങ്ങളില്‍ ഏര്‍പ്പെട്ടതിന് സര്‍ക്കാര്‍ ഈ രണ്ട് ഉദ്യോഗസ്ഥരെയും പുറത്താക്കുന്നു' വിദേശകാര്യ മന്ത്രാലയം അറിയിച്ചു. വ്യാജ തിരിച്ചറിയല്‍ കാര്‍ഡ് ഉപയോഗിച്ചിരുന്ന ഇവര്‍ പാക്കിസ്ഥാന്റെ ഇന്റര്‍ സര്‍വീസ് ഇന്റലിജന്‍സിനു (ഐഎസ്‌ഐ) വേണ്ടി പ്രവര്‍ത്തിച്ചെന്നാണ് ഡല്‍ഹി പൊലീസ് സ്‌പെഷല്‍ സെല്ലിന്റെ കണ്ടെത്തല്‍. ഇന്ത്യന്‍ സുരക്ഷാ ഏജന്‍സികള്‍ ഞായറാഴ്ച ഇവരെ പിടികൂടി 24 മണിക്കൂറിനുള്ളില്‍ രാജ്യം വിടാന്‍ ആവശ്യപ്പെടുകയായിരുന്നു.

ഇരുവരും രാജ്യത്തിന്റെ പല ഭാഗങ്ങളിലും വ്യാജ തിരിച്ചറിയല്‍ രേഖകള്‍ ഉപയോഗിച്ചതായാണ് കണ്ടെത്തിയിരിക്കുന്നത്. ഇവരുടെ പ്രവര്‍ത്തനത്തില്‍ കടുത്ത അമര്‍ഷം രേഖപ്പെടുത്തിക്കൊണ്ടുള്ള സന്ദേശം പാക്ക് ഹൈക്കമ്മിഷന് കൈമാറിയതായും വിദേശകാര്യ മന്ത്രാലയം അറിയിച്ചു.ഇരുവരേയും ഡല്‍ഹി പോലീസിന്റെ സ്പെഷ്യല്‍ സെല്ലും മറ്റ് ഏജന്‍സികളും ചോദ്യം ചെയ്തുവരികയാണ്.ഇതിനു മുന്‍പ് 2016ലാണ് സമാനമായ സംഭവമുണ്ടായത്.
അന്ന്, പ്രതിരോധവുമായി ബന്ധപ്പെട്ട തന്ത്രപ്രധാനമായ രേഖകള്‍ ചോര്‍ത്തിയതതിന് മെഹ്മൂദ് അഖ്തര്‍ എന്ന ഉദ്യോഗസ്ഥനെ ഇന്ത്യ പിടികൂടിയിരുന്നു. പ്രതിരോധവുമായി ബന്ധപ്പെട്ട രേഖകള്‍ കൈവശം വെച്ചതിനാണ് പാക് ഹൈക്കമ്മീഷണര്‍ അബ്ദുല്‍ ബാസിത്തിന്റെ കീഴിലുള്ള ഉദ്യോഗസ്ഥനായിരുന്ന മെഹമൂദ് അക്തറെ ഡല്‍ഹി പോലീസ് ക്രൈം ബ്രാഞ്ച് അറസ്റ്റു ചെയ്തത്. ഇയാള്‍ പാക് ചാര സംഘടനയായ ഐഎസ്ഐയിലെ അംഗമായിരുന്നെന്നും പിന്നീട് കണ്ടെത്തിയിരുന്നു.