രണ്ടാം മോദി സര്ക്കാരിന്റെ ഒന്നാം വാര്ഷികത്തിന് ശേഷമുള്ള ആദ്യ മന്ത്രിസഭാ യോഗം ഏറെ നിര്ണായകം; സുരക്ഷയുമായി ബന്ധപ്പെട്ടും സാമ്പത്തിക കാര്യങ്ങളുടെ മന്ത്രിസഭാ സമിതിയും യോഗം ചേര്ന്നത് കൃത്യമായ ആസൂത്രണത്തിന്
പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ചേര്ന്ന രണ്ടാം മോദി സര്ക്കാരിന്റെ ഒന്നാം വാര്ഷികത്തിന് ശേഷമുള്ള ആദ്യ മന്ത്രിസഭാ യോഗം വളരെ നിര്ണായകമായിരുന്നു. എല്ലാവര്ക്കുമറിയാം. സുരക്ഷയുമായി ബന്ധപ്പെട്ട മന്ത്രിസഭാ സമിതിയും സാമ്പത്തിക കാര്യങ്ങളുടെ മന്ത്രിസഭാ സമിതിയുമൊക്കെ യോഗം ചേര്ന്നത് കൃത്യമായ ആസൂത്രണത്തിനായി തന്നെയാണ്. ചൈനയുമായി അതിര്ത്തി തര്ക്കം രൂക്ഷമായ ഘട്ടത്തിലാണ് സുരക്ഷാ സമിതി ചേര്ന്നത്. അത് തന്നെയാണ് ഇപ്പോഴത്തെ സാഹചര്യത്തില് രാജ്യത്തെ സംബന്ധിച്ച് ഏറ്റവും പ്രധാനം. കഴിഞ്ഞ കുറെ നാളുകളായി അതിര്ത്തിയില് ചൈനയും പാക്കിസ്ഥാനും കാണിക്കുന്ന ക്രൂരതകള്ക്ക് മറുപടി കൃത്യമായി കൊടുത്തേ മതിയാകൂ നമുക്ക്.
മാത്രവുമല്ല ഡല്ഹിയില് ഭീകരാക്രമണത്തിന് സാധ്യതയെന്ന് ഇന്റലിജന്സ് മുന്നറിയിപ്പ് രാജ്യം വളരെ ഗൗരവത്തോടെ തന്നെയാണ് കാണുന്നത്. സുരക്ഷ ശക്തമാക്കി കരുതലോടെ മുന്നോട്ട് പോവുകയാണ് സിആര്പിഎഫ്. രാജ്യതലസ്ഥാനത്ത് ഭീകരാക്രമണത്തിന് സാധ്യതെയെന്ന് ഇന്റലിജന്സ് മുന്നറിയിപ്പിന്റെ പശ്ചാത്തലത്തില് എല്ലാ പഴുതുകളും അടച്ചുകഴിഞ്ഞിരിക്കുകയാണ് സൈന്യം. ഭീകരര് ഡല്ഹിയിലെ സിആര്പിഎഫ് സേനക്ക് നേരെ ആക്രമണത്തിന് പദ്ധതിയിടുന്നതായി ഇന്റലിജന്സ് അറിയിച്ചു. വിവിധ ഭീകര സംഘടനകളും രാജ്യവിരുദ്ധ ശക്തികളും ആക്രമണത്തിന് പദ്ധതിയിടുന്നതായാണ് റിപ്പോര്ട്ട്.
മുന്നറിയിപ്പിന് പിന്നാലെ ഡല്ഹിയിലെ ക്യാമ്പുകളില് സുരക്ഷ വര്ധിപ്പിച്ചു. ക്യാമ്പിന് അകത്തും പുറത്തും ഡ്യൂട്ടിയിലുള്ള ജവാന്മാര് കൂടുതല് ജാഗ്രത പുലര്ത്തണമെന്നും മേഖലകളില് നിരീക്ഷണം ശക്തമാക്കണമെന്നും മുന്നറിയിപ്പില് പറയുന്നു. ക്യാമ്പുകളില് കൂടുതല് സേനയെ വിന്യസിക്കാനും നിര്ദ്ദേശം നല്കിയിട്ടുണ്ട്. ഇന്റലിജന്സ് ഏജന്സികളില് നിന്നും വിവരങ്ങള് ലഭിക്കുന്ന പക്ഷം സജ്ജമാകാന് തയ്യാറായിരിക്കണമെന്ന് ജവാന്മാര്ക്ക് നിര്ദ്ദേശം നല്കിയിട്ടുണ്ട്. അടുത്തിടെ, ഐഇഡി നിറച്ച വാഹനവുമായെത്തിയ കാര് സൈന്യം പിടികൂടിയിരുന്നു. ഇതോടെ പുല്വാമ മോഡല് ഭീകരാക്രമണ പദ്ധതിയാണ് സൈന്യം തകര്ത്തത്. ഇതിനു പിന്നാലെയാണ് ഭീകരര് വീണ്ടും ആക്രമണത്തിന് പദ്ധതിയിടുന്നത്.
https://www.facebook.com/Malayalivartha