ഒരു കെട്ട് മാസ്ക്, സാനിറ്റൈസര് തീര്ന്നില്ല, ടിവിയും സ്മാര്ട്ട് ഫോണും വീടുകള് കയറിയിറങ്ങി നല്കി യുവാവ്; സ്വന്തം പണം മുടക്കി കോവിഡിനെ പ്രതിരോധിക്കാന് ചെറിയ ശ്രമവുമായി യുവാവ്
ഓണ്ലൈന് ക്ലാസില് പങ്കെടുക്കാന് കഴിയാത്തതിന്റെ പേരില് പഞ്ചാബിലും കേരളത്തിലും വിദ്യാര്ഥികള് ആത്മഹത്യ ചെയ്ത വാര്ത്തയുടെ വേദനയില് നിന്ന് നാം മുക്തരല്ല. ഇനി അങ്ങനെ സംഭവിക്കല്ലേ എന്ന് പ്രാര്ഥിക്കുന്നതിനൊപ്പം തന്നെ തങ്ങളെ കൊണ്ട് കഴിയുന്ന രീതിയില് സഹായവുമായി പലരും വന്നുകഴിഞ്ഞു. അക്കൂട്ടത്തില് വ്യത്യസ്തനാവുകയാണ് സുഹൈല് അന്സാരി എന്ന യുവാവ്.
ഒരു കെട്ട് മാസ്ക്, സാനിറ്റൈസര്. തീര്ന്നില്ല ടിവിയും സ്മാര്ട്ട് ഫോണും. വീടുകള് കയറിയിറങ്ങി നല്കി വ്യത്യസ്തനാവുകയാണ് യുവാവ്. കുറച്ച് നേരത്തേയ്ക്ക് നമുക്ക് രാഷ്ട്രീയവും ജാതിയും മതവുമൊക്കെ മാറ്റിവയ്ക്കാം. പച്ച മനുഷ്യരാകാം. ഈ കൊറോണകാലത്ത് മനുഷ്യന് വല്ലാത്ത പരിവര്ത്തനം വന്നിട്ടുണ്ട്. ചിലര് ഉള്ളതെല്ലാം മറ്റുള്ളവര്ക്ക് നല്കുന്നു. ചിലര് തങ്ങളെക്കൊണ്ടാകുന്നത്. രാഷ്ട്രീയപാര്ട്ടികളും സിനിമാതാരങ്ങളുമൊക്കെ ചെയ്യുന്നുണ്ട്. അവിടെ ഏറ്റവും വലിയ പ്രതിസന്ധി നേരിടുന്ന പ്രവാസികള് അവര് ഈ ദുരിതത്തിനിടയിലും ഒരു പാട് പേരെ സഹായിക്കാന് ശ്രമിക്കുന്നു. നാട്ടില് കുറെ ചെറുപ്പക്കാര് അതെല്ലാം ഏറ്റെടുത്ത് നടത്തുന്നു. അക്കൂട്ടത്തില് ഒരാള് മാത്രമല്ല സുഹൈല് അന്സാരി. സ്വന്തം നിലയ്ക്ക്, മറ്റുളളവരുടെ സഹായം ഏകോപിപ്പിച്ച്സ, സ്വരുക്കൂട്ടി, നേരിട്ട് തന്നെ അത് എത്തിക്കുന്നു. എത്തേണ്ടിടത്ത്. ഒറ്റപ്പെട്ടുപോയ കോളനികളാകാം, സ്കൂളുകളാകാം വീടുകളാകാം അവിടെയെല്ലാം സുഹൈല് എത്തുന്നു. ഈ കരുതല് കേരളത്തിന് മാതൃക. സുഹൈല് അന്സാരിയും സുമനസുകളും പൊളിക്കുകയാണ്. ഒരുകെട്ട് സാനിറ്റൈസറുകളുമായാണ് സുഹൈല് അന്സാരി എന്ന വിദ്യാര്ഥിനേതാവിന്റെ യാത്ര.
നാട്ടിന്പുറങ്ങളിലെ വഴികളിലൂടെ സാനിറ്റൈസറുമായി വീടുകള് കയറിയിറങ്ങുകയാണ് കെ.എസ്.യു. സംസ്ഥാന ജനറല് സെക്രട്ടറിയായ സുഹൈല് അന്സാരി. കഴിഞ്ഞ ഒരാഴ്ചയായി ഈ യുവാവ് നിത്യേന മുപ്പതുമുതല് അമ്പതുവരെ വീടുകള് കയറുന്നു. അവിടെയെല്ലാം കൈയില് കരുതിയിരിക്കുന്ന സാനിറ്റൈസര് സൗജന്യമായി നല്കുന്നു. കഴുകുന്ന വിധവും കാട്ടിക്കൊടുക്കും. സമൂഹത്തിന് കരുതലിന്റെ നല്ലപാഠങ്ങളും പകര്ന്നുനല്കുന്നു. സുരക്ഷാ മാനദണ്ഡങ്ങള് പാലിച്ചുള്ള ഈ യാത്രയില് ഓരോ ദിവസവും പത്ത് കിലോമീറ്റര് താണ്ടും. എവിടെനിന്ന് ആര് ആവശ്യപ്പെട്ടാലും സാനിറ്റൈസറുമായി സുഹൈല് അവിടെയെത്തും. സ്വന്തം പണം മുടക്കി കോവിഡിനെ പ്രതിരോധിക്കാന് ചെറിയ ശ്രമവുമായി ഇറങ്ങിയ യുവാവിനെ സഹായിക്കാന് ഇപ്പോള് സുഹൃത്തുക്കളുമുണ്ട്. സമാന്തര വിദ്യാഭ്യാസ സ്ഥാപനങ്ങളിലെ അധ്യാപകനുമാണ് സുഹൈല്. ഇപ്പോള് പല കോണുകളില് നിന്നുള്ള സഹായം ഏറ്റുവാങ്ങി അര്ഹതപ്പെട്ടിടത്ത് എത്തിക്കുകയാണ്.
https://www.facebook.com/Malayalivartha
