ചിലത് അങ്ങനെയാണ് ക്രൂരതയുടെ പര്യായമായി അങ്ങനെ ജീവിച്ച് തീര്‍ക്കും. എത്ര തവണ മറുപടി കിട്ടിയാലും നന്നാവില്ല. കൊലയാളി കൊറോണ വൈറസിനെക്കാള്‍ എത്ര ഭീകരമാണ് പാക്കിസ്ഥാന്റെ നിലപാടുകള്‍. അതിര്‍ത്തിയില്‍ നുഴഞ്ഞുകയറ്റം വെടിനിര്‍ത്തര്‍ കരാര്‍ ലംഘനം, ഭീകരാക്രമണത്തിന് പിന്തുണ എന്താണ് പാക്കിസ്ഥാന്റെ നെറുകേടുകള്‍ അവസാനിക്കാത്തത്. ഇഛ്ഛാശക്തിയുള്ള ഒരു ഭരണാധികാരിയും പാക്കിസ്ഥാനില്‍ ഇല്ലേ. ഇമ്രാന്‍ ആരുടെ കളിപ്പാവയാണ്. ആര്‍ക്കാണ് കുഴലൂതുന്നത്. ഭീകരന്‍മാര്‍ക്കോ അതോ നിരന്തരം അതിര്‍ത്തിയില്‍ നിയമംലംഘിക്കുന്ന പാക് സൈന്യത്തിനോ.

വീണ്ടും വീണ്ടും പാകിസ്താന്റെ വെടിനിര്‍ത്തല്‍ കരാര്‍ ലംഘനം ഇന്ത്യ ഇനി ക്ഷമിക്കില്ല. ഇതാ വീണ്ടും ജമ്മുകശ്മീരില്‍ പാകിസ്താന്റെ വെടിനിര്‍ത്തല്‍ കരാര്‍ ലംഘനമുണ്ടായിരിക്കുന്നു. അതിര്‍ത്തിയിലെ പൂഞ്ച് ജില്ലയിലുള്ള മാന്‍കോട്ട് സെക്ടറിലെ നിയന്ത്രണരേഖയിലാണ് പാക് സൈന്യം വെടിവെയ്പ്പും ഷെല്ലാക്രമണവും നടത്തിയത്. പ്രകോപനമില്ലാതെയാണ് പാകിസ്താന്‍ വെടിനിര്‍ത്തല്‍ ലംഘിച്ചതെന്നാണ് വിവരം. ഇന്ത്യന്‍ സൈന്യം ശക്തമായി തിരിച്ചടിച്ചതായാണ് റിപ്പോര്‍ട്ട്. കഴിഞ്ഞ ദിവസവും പാക് സൈന്യം അതിര്‍ത്തിയില്‍ വെടിനിര്‍ത്തല്‍ കരാര്‍ ലംഘിച്ചിരുന്നു. തീര്‍ന്നില്ല പാക് പട്ടാളത്തിന്റെ ക്രൂരത. പാക് പട്ടാളം ബലൂചിസ്താനില്‍ വീടുകയറി ആക്രമിച്ചു. നാലുവയസ്സുകാരിക്ക് വെടിയേറ്റു അമ്മ കൊല്ലപ്പെട്ടു.
ബലൂച് മേഖലയില്‍ പാക് പട്ടാളം വീട് കയറി നടത്തിയ ആക്രമണത്തില്‍ യുവതി കൊല്ലപ്പെടുകയും നാല് വയസ്സുകാരിയായ മകള്‍ക്ക് ഗുരുതരമായി പരിക്കേല്‍ക്കുകയും ചെയ്തതായി റിപ്പോര്‍ട്ട്. വീടിനുള്ളില്‍ കടന്നാണ് നാലു വയസ്സുകാരിയേയും അമ്മ മാലിക് നാസിനേയും ആക്രമിച്ചത്. ബലൂചിസ്താനിലെ തുര്‍ബാദ് നഗരത്തിലാണ് പാക് ഭീകരത അരങ്ങേറുന്നത്. പാക് പട്ടാള ഭീകരതക്കെതിരെ ശക്തമായ പൊതുജന പ്രക്ഷോഭം ആരംഭിച്ചതായി അന്താരാഷ്ട്ര മാദ്ധ്യമങ്ങള്‍ റിപ്പോര്‍ട്ട് ചെയ്യുന്നു. ബലൂചിസ്താന്റെ സ്വാതന്ത്ര്യത്തിനായി പോരാടുന്ന ബലൂച് റിപ്പബ്ലിക്കന്‍ പാര്‍ട്ടിയുടെ നേതൃത്വത്തിലാണ് പ്രതിഷേധം നടക്കുന്നത്. വിഷയം അന്താരാഷ്ട്ര തലത്തിലെത്തിക്കാന്‍ ലണ്ടനിലും ബലൂച് പൗരന്മാര്‍ പ്രതിഷേധം നടത്തുകയാണ്. പാക് പട്ടാളത്തിന്റെ ആയുധ ധാരികളായ അക്രമികളാണ് നിരപരാധികളെ കൊന്നു തള്ളുന്നത്. ബലൂചിലെ ജനങ്ങളെ നിരന്തരം ആക്രമിക്കുന്നതും സ്ത്രീകളെ കടത്തിക്കൊണ്ടുപോകുന്നതും പാകിസ്താന്‍ സൈന്യം നേരിട്ടാണെന്ന് റിപ്പബ്ലിക്കന്‍ പാര്‍ട്ടി നേതാവ് മന്‍സൂര്‍ ബലൂച് ആരോപിച്ചു. പലരുടേയും വികൃതമാക്കപ്പെട്ട ശവശരീരമാണ് തിരികെ കിട്ടുന്നതെന്നും മന്‍സൂര്‍ പറഞ്ഞു. ബലൂചികളുടെ എല്ലാ മനുഷ്യാവകാശങ്ങളുടേയും പച്ചയായ ലംഘനമാണ് പാക് ഭരണകൂടം നടത്തുന്നതെന്നും മന്‍സൂര്‍ കുറ്റപ്പെടുത്തി. ശക്തമായ അന്താരാഷ്ട്ര ഇടപെടല്‍ ഉടനുണ്ടാകണമെന്നും ബലൂച് നിവാസികള്‍ ആവശ്യപ്പെടുകയാണ്..