ഇന്ത്യയില്‍ ലോക്ക് ഡൗണ്‍ പിന്‍വലിച്ച് സാധാരണ നിലയിലേക്ക് കാര്യങ്ങള്‍ കൊണ്ട് ശ്രമിക്കുമ്പോഴും കണക്കുകള്‍ വ്യക്തമാക്കുന്നത് ഭീകരമായ അവസ്ഥ തന്നെയാണ് .ഇന്ത്യയില്‍ ആദ്യമായി കഴിഞ്ഞ 24 മണിക്കൂറിനിടെ 388 മരണങ്ങളുണ്ടായി എന്നതാണ് ഇതിലെ ഏറ്റവും വലിയ സ്ഥിതി വിശേഷം .നിലവില്‍ മൊത്തം രോഗികളുടെ എണ്ണത്തില്‍ വര്‍ദ്ധനവുണ്ടായിരിക്കുന്ന സാഹചര്യത്തില്‍ നിലവിലെ മാനദണ്ഡങ്ങള്‍
കൊണ്ട് രോഗനിയന്ത്രണം ഫലപ്രദമാകില്ല എന്ന് വ്യക്തമാവുകയാണ്

.എന്നാല്‍ രാജ്യം വീണ്ടും അടച്ചുപൂട്ടിയിടാന്‍ ശ്രമിക്കുന്നതും ആത്മഹത്യാപരമാണ് .അതിനാല്‍ തന്നെ കൂടുതല്‍ സാങ്കേതിക സംവിധാനങ്ങള്‍ എല്ലാ മേഖലയിലും നടപ്പിലാക്കുന്നു എന്ന് ഉറപ്പുവരുത്തേണ്ട ആവശ്യമുണ്ട് .ഇന്ത്യന്‍ കോവിഡ് ഏറ്റവും കൂടുതലായി റിപ്പോര്‍ട്ട് ചെയ്ത ദിവസവും ഇന്നലെയായിരുന്നു എന്നതാണ് മറ്റൊരു വിശേഷത .അതിനാല്‍ തന്നെ കേന്ദ്ര ആരോഗ്യ വകുപ്പ് പുതിയ മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിക്കേണ്ട നിവാര്യത ഉയര്‍ന്നിരിക്കുകയാണ് .ഇന്ത്യയില്‍ കടകളും ഷോപ്പിംഗ് മാളുകളും കര്‍ശന ഉപാധികളോടെ
തുറന്നു പ്രവര്‍ത്തിക്കുകയാണെങ്കിലും വന്‍ തോതിലുള്ള സമൂഹവ്യാപനം ഉണ്ടാകാനുള്ള സാധ്യത തള്ളിക്കളയാന്‍ കഴിയില്ല .രോഗബാധയതരായവരില്‍ നിന്നും പൊതുസമ്പര്‍ക്കം ഉണ്ടാവില്ല എന്നുറപ്പുവരുത്താനുള്ള കര്‍ശന നിര്‍ദ്ദേശമുണ്ടെങ്കിലും അത് എത്രത്തോളം ഫലപ്രദമാകും എന്ന് പറയുക അസാധ്യമാണ് .

മഹാരാഷ്ട്രയില്‍ കഴിഞ്ഞ 24 മണിക്കൂറിനിടെ 149 രോഗികള്‍ മരിച്ചതും മൊത്തം രോഗബാധിതര്‍ ഒരു ലക്ഷത്തോടടുക്കുന്നതും വലിയ തോതില്‍ ഭീതി ഉളവാക്കുകയാണ് .ഇപ്പോഴും ഇന്ത്യയിലെ നഗരങ്ങളില്‍ രോഗബാധ തടയാനുള്ള നടപടികള്‍ ഫലം കാണുന്നില്ല എന്നത് വ്യക്തമാവുകയാണ് .തമിഴ്നാട്ടില്‍ കൊറോണ വ്യാപനം വന്‍ തോതില്‍ വര്‍ധിക്കുന്നു കണക്കുകള്‍ വ്യക്തമാക്കുന്നത് . ഇന്ന് പുതുതായി 1,927 പേര്‍ക്കാണ് രോഗബാധ സ്ഥിരീകരിച്ചിരിക്കുന്നത്. ഇതോടെ തമിഴ്നാട്ടില്‍ രോഗബാധ സ്ഥിരീകരിച്ചവരുടെ എണ്ണം 36,841 ആയി ഉയര്‍ന്നു. 19 മരണങ്ങളാണ് വൈറസ് ബാധയെ തുടര്‍ന്ന് ഇന്ന് സംസ്ഥാനത്ത് റിപ്പോര്‍ട്ട് ചെയ്തത്. ഇതോടെ ആകെ മരിച്ചവരുടെ എണ്ണം 326 ആയി. ഇന്ന് 1008 പേര്‍ സംസ്ഥാനത്ത് രോഗമുക്തി നേടിയിട്ടുണ്ടെന്നും ആരോഗ്യ വകുപ്പ് അധികൃതര്‍ അറിയിച്ചു. 19,339 പേരാണ് സംസ്ഥാനത്ത് ഇതുവരെ രോഗമുക്തി നേടിയിരിക്കുന്നത്. 17,179 പേര്‍ നിലവില്‍ ചികിത്സയില്‍ കഴിയുന്നുണ്ട്.തമിഴ്നാട്ടില്‍ ഏറ്റവും അധികം രോഗബാധ റിപ്പോര്‍ട്ട് ചെയ്തിരിക്കുന്നത് ചെന്നൈയിലാണ്. 1390 കേസുകളാണ് ചെന്നൈയില്‍ ഇന്ന് റിപ്പോര്‍ട്ട് ചെയ്തിരിക്കുന്നത്. ഇതോടെ ചെന്നൈ നഗരത്തിലെ വൈറസ് ബാധിതരുടെ എണ്ണം 25,937 ആയി.രാജ്യത്തെ ഹോട്‌സ്‌പോട്ടുകളില്‍ മാത്രമായി
കര്‍ശന നിയന്ത്രണം തുടരാനുള്ള നീക്കമാണ് കേന്ദ്ര സര്‍ക്കാര്‍ അവലംബിച്ചിട്ടുള്ളത് തമിഴ്‌നാട്ടിലും മഹാരാഷ്ടയിലും കൊറോണ രോഗികളുടെ എണ്ണത്തില്‍ ഉണ്ടായ വന്‍വര്‍ദ്ധന രാജ്യത്തിന്റെ ഭീകരമായ അവസ്ഥയെ കണക്കുകള്‍ സഹിതം സൂചിപ്പിക്കുകയാണ് .രാജ്യത്ത് ഏറ്റവും കൂടുതല്‍ കൊറോണ കേസുകള്‍ റിപ്പോര്‍ട്ട് ചെയ്തത് മഹാരാഷ്ടയിലാണ്.തൊട്ടുപിറകെ തമിഴ് നാടും ഗുജറാത്തുമുണ്ട് . വരും ദിവസങ്ങളില്‍ കൂടുതല്‍ കരുതല്‍ നടപടികള്‍ കേന്ദ്രം എടുക്കാനുള്ള എല്ലാ സാധ്യതകളും തെളിഞ്ഞു വരുന്നുണ്ട്