ഉത്തര്‍ പ്രദേശിലെ അഞ്ച് ജില്ലകളിലെ വിവിധ സ്‌കൂളുകളില്‍ ഒരേ സമയം അധ്യാപനം നടത്തി ഒരു കോടിയോളം രൂപ സമ്പാദിച്ചു വന്നിരുന്നതായി പറയപ്പെടുന്ന അനാമിക ശുക്ല എന്ന അധ്യാപിക, അതു താനല്ലെന്നും തന്റെ വിവരങ്ങള്‍ മറ്റാരോ ഉപയോഗിച്ചതാണ് എന്നും വിദ്യാഭ്യാസ വകുപ്പിനെ അറിയിച്ചു.

2017 -ല്‍ ജോലി സമ്പാദിച്ചുവെന്ന് പറയുന്ന യഥാര്‍ത്ഥ അധ്യാപികയ്ക്ക് ജോലിയേ ഇല്ല എന്നാണ് പുറത്തു വരുന്ന റിപ്പോര്‍ട്ട്.

ഇതേ പേരും രേഖകളും ഉപയോഗിച്ച് മറ്റ് ചിലര്‍ ജോലി നേടി ശമ്പളം വാങ്ങിയെന്നാണ് പുതിയ സൂചന. വന്‍ ക്രമക്കേട് പുറത്തു വന്നതോടെ യഥാര്‍ത്ഥ അനാമിക വിദ്യാഭ്യാസ വകുപ്പിന്റെ ഓഫീസിലെത്തിയാണ് കാര്യങ്ങള്‍ ബോധ്യപ്പെടുത്തിയത്.

താന്‍ സയന്‍സ് അധ്യാപികയൂടെ ഒഴിവിലേക്ക് അപേക്ഷ നല്‍കിയിരുന്നുവെന്ന് ഇവര്‍ വ്യക്തമാക്കിയിട്ടുണ്ട്. ഈ രേഖകള്‍ ആയിരിക്കാം ദുരുപയോഗം ചെയ്തത് എന്നാണ് പ്രാഥമിക നിഗമനം.  പ്രിയങ്കാസിംഗ് എന്നൊരു യുവതിയെ ആള്‍മാറാട്ടത്തിന് അറസ്റ്റ് ചെയ്തിട്ടുണ്ട്.

 പ്രിയങ്കാസിംഗ്

സംഭവത്തില്‍ അനാമിക ശുക്ളയുടെ രേഖകള്‍ ചിലര്‍ തട്ടിപ്പിന് ഉപയോഗിച്ചതായാണ് കരുതുന്നതെന്ന് വിദ്യഭ്യാസ വകുപ്പ് അധികൃതരും പ്രതികരിച്ചു.