ഇന്ത്യന് വ്യോമസേനയുടെ യുദ്ധവിമാനങ്ങള് നിയന്ത്രണ രേഖ കടന്ന് കറാച്ചിക്ക് മുകളിലൂടെ പറന്നുവെന്ന് സമൂഹമാധ്യമങ്ങള്; ഭയന്ന് നഗരത്തെ 'ബ്ലാക്ക്ഔട്ടി'ന് വിധേയമാക്കി പാകിസ്ഥാനികള്
ഇന്ത്യന് വ്യോമസേനയുടെ യുദ്ധവിമാനങ്ങള് നിയന്ത്രണ രേഖ കടന്ന് കറാച്ചിക്ക് മുകളിലൂടെ പറന്നുവെന്ന് സമൂഹമാധ്യമങ്ങള്; ഭയന്ന് നഗരത്തെ 'ബ്ലാക്ക്ഔട്ടി'ന് വിധേയമാക്കി പാകിസ്ഥാനികള് ഇന്ത്യന് വ്യോമസേനയുടെ യുദ്ധവിമാനങ്ങള് നിയന്ത്രണ രേഖ കടന്ന് കറാച്ചിക്ക് മുകളിലൂടെ പറന്നുവെന്ന് നിരവധി ട്വീറ്റുകള് വന്നതോടെ പാകിസ്ഥാനികള് ഭയന്നോടി.
ഇന്നലെ രാത്രി നിയന്ത്രണ രേഖ കടന്ന് ഇന്ത്യന് വ്യോമസേനയുടെ യുദ്ധവിമാനങ്ങള് കറാച്ചിക്കും സിന്ധിന്റെ മറ്റ് ഭാഗങ്ങള്ക്കും മുകളിലൂടെ പറന്നുവെന്നാണ് നിരവധി സോഷ്യല് മീഡിയ ഉപയോക്താക്കള് ട്വീറ്റ് ചെയ്തത്.എന്നാല് ഇത്തരം അഭ്യൂഹങ്ങള് പരന്നതിനെത്തുടര്ന്ന് നഗരത്തെ 'ബ്ലാക്ക്ഔട്ടി'ന് വിധേയമാക്കിയതായി കറാച്ചിയിലെ പ്രദേശവാസികള് പറഞ്ഞു.
അതേസമയം ഇന്ത്യന് വ്യോമസേന ഇക്കാര്യങ്ങള് നിഷേധിച്ചു. ഇന്ത്യയിലെ സോഷ്യല് മീഡിയ ഉപയോക്താക്കള് പാകിസ്ഥാനികളെ പരിഹസിക്കാനുള്ള സുവര്ണ്ണാവസരം നന്നായി മുതലെടുത്തതായിട്ടാണ് പറയുന്നത്.
മുമ്പ് കറാച്ചിക്ക് മുകളിലൂടെ പറക്കുന്ന വിമാനങ്ങള്ക്ക് നേരത്തെ പാകിസ്ഥാന് നിയന്ത്രണം ഏര്പ്പെടുത്തിയിരുന്നു. 33,000 അടിക്ക് മുകളില് വിമാനങ്ങള് പറക്കാന് പാടില്ലെന്നുള്ള നിയന്ത്രണം ഇപ്പോള് ലാഹോറിന് മുകളിലും ബാധകമാക്കിയിരിക്കുകയാണ്. ഇന്ത്യയില് നിന്നുള്ള വിമാനങ്ങള്ക്ക് ബുദ്ധിമുട്ടുണ്ടാക്കുകയോ പാക് യുദ്ധവിമാനങ്ങള്ക്ക് മറ്റ് തടസ്സങ്ങളുണ്ടാവാതിരിക്കാനോ വേണ്ടിയാവാം പുതിയ തീരുമാനമെന്നാണ് വിലയിരുത്തപ്പെടുന്നത്. ഈ സഹാചര്യത്തില് ഇന്ത്യയിലെ വ്യോമസേനാ താവളങ്ങള്ക്കും ജാഗ്രാതാ നിര്ദ്ദേശം നല്കിയിട്ടുണ്ട്. ഏതെങ്കിലും തരത്തിലുള്ള ആക്രമണമുണ്ടായാല് അഞ്ച് മിനിറ്റിനുള്ളില് തിരിച്ചടിക്കാന് പാകത്തില് തയ്യാറായിരിക്കാനാണ് വ്യോമസേനക്ക് നിര്ദ്ദേശം നല്കിയിരിക്കുന്നത്.
https://www.facebook.com/Malayalivartha
