ജമ്മു കശ്മീരിലെ മൂന്നു ജില്ലകളില് പാകിസ്താന് വീണ്ടും വെടിനിര്ത്തല് കരാര് ലംഘിച്ചു... രജൗറി, പൂഞ്ച്, കത്വ ജില്ലകളിലാണ് ചെറുതും വലുതുമായ വെടിക്കോപ്പുകള് ഉപയോഗിച്ച് പാക് സേന വെടിവെപ്പ് നടത്തിയത്
ജമ്മു കശ്മീരിലെ മൂന്നു ജില്ലകളില് പാകിസ്താന് വീണ്ടും വെടിനിര്ത്തല് കരാര് ലംഘിച്ചു. രജൗറി, പൂഞ്ച്, കത്വ ജില്ലകളിലാണ് ചെറുതും വലുതുമായ വെടിക്കോപ്പുകള് ഉപയോഗിച്ച് പാക് സേന വെടിവെപ്പ് നടത്തിയത്. കൂടാതെ മോര്ട്ടാര് ഷെല്ലാക്രമണവും നടത്തിയതായും റിപ്പോര്ട്ടുണ്ട്.
രജൗറി, പൂഞ്ച്, കത്വ ജില്ലകളില് ഉള്പ്പെടുന്ന മഞ്ചകോട്ട്, കേരി, ബാലകോട്ട്, കരോള് മൈത്രാന് സെക്ടറിലാണ് പാകിസ്താന് ആക്രമണം നടത്തിയത്. പാക് വെടിവെപ്പിന് പിന്നാലെ ഇന്ത്യന് സൈന്യം അതിശക്തമായി തിരിച്ചടിച്ചു. രജൗറി ജില്ലയിലെ മഞ്ചകോട്ട് സെക്ടറിലെ ഒരാള്ക്ക് പരിക്കേറ്റു. ഷെല്ലാക്രമണത്തില് പ്രദേശവാസിയുടെ വലത് തോളിനാണ് പരിക്കേറ്റത്. തോളില് തറച്ച ഷെല്ലിന്റെ ചീള് നീക്കം ചെയ്തതായി ഡോക്ടര്മാര് അറിയിച്ചു.
ബുധനാഴ്ച നൗഷാര സെക്ടറിലെ ജനവാസ മേഖലകള് ലക്ഷ്യമാക്കി പാക് സൈന്യം വെടിവെപ്പ് നടത്തിയിരുന്നു.
"
https://www.facebook.com/Malayalivartha
