ശ്മശാനത്തില്‍ ഭര്‍ത്താവിന്റെ മൃതദേഹത്തിന് ഒരു രാത്രി മുഴുവന്‍ കാവലിരുന്ന് ഭാര്യ.. വാടകയ്ക്ക് താമസിക്കുകയായിരുന്നയാളുടെ മൃതദേഹം കയറ്റാന്‍ വീട്ടുടമസ്ഥന്‍ സമ്മതിക്കാത്തതിനെ തുടര്‍ന്നാണ് ഭാര്യക്ക് മൃതദേഹത്തിനൊപ്പം ശ്മശാനത്തില്‍ കഴിയേണ്ടി വന്നത്.

ഉത്തര്‍പ്രദേശ് സ്വദേശികളായ ഇവര്‍ ഉത്തരാഖണ്ഡില്‍ ഒരു വീട്ടില്‍ വാടകയ്ക്ക് താമസിക്കുകയായിരുന്നു. റൂര്‍ക്കിക്ക് സമീപമുള്ള ഒരു ഫാക്ടറിയിലാണ് ഇവര്‍ ജോലി ചെയ്തിരുന്നത്. സലേംപുരിന് സമീപത്തുള്ള ഒരു വാടകവീട്ടില്‍ ആയിരുന്നു ഇവര്‍ താമസിച്ചിരുന്നത്. ചൊവ്വാഴ്ച രാത്രി മഹേന്ദര്‍ സിംഗിന് നെഞ്ചുവേദന അനുഭവപ്പെട്ടതിനെ തുടര്‍ന്ന് ഭാര്യയും വീട്ടുടമസ്ഥനും ചേര്‍ന്ന് ആശുപത്രിയില്‍ എത്തിക്കുകയായിരുന്നു.

എന്നാല്‍, ആശുപത്രിയില്‍ വച്ച് മഹേന്ദര്‍ മരിച്ചു.എന്നാല്‍, മഹേന്ദറിന്റെ മരണത്തിനു പിന്നാലെ അന്തിമോപചാരങ്ങള്‍ക്കായി മൃതദേഹം വീട്ടില്‍ കയറ്റാന്‍ സമ്മതിക്കില്ലെന്ന് വീട്ടുടമസ്ഥന്‍ വ്യക്തമാക്കി. ഇതിനെ തുടര്‍ന്ന് അവിടെ ഉണ്ടായിരുന്നവരുടെ സഹായത്തോടെ മൃതദേഹം ഭാര്യ ശ്മശാനത്തില്‍ എത്തിച്ചു. തുടര്‍ന്ന്, വ്യാഴാഴ്ച രാവിലെ ബന്ധുക്കള്‍ എത്തുന്നതു വരെ ശ്മശാനത്തില്‍ ഭര്‍ത്താവിന്റെ മൃതദേഹത്തിന് ഭാര്യ കാവലിരിക്കുകയായിരുന്നു.

 L