75-ാം റിപ്പബ്ലിക് ദിന ആഘോഷത്തിന്റെ സംസ്‌കാരിക വൈവിധ്യവും സൈനിക കരുത്തും ദൃശ്യമാകുന്ന പരേഡില്‍ ഇത്തവണ പ്രതിഫലിക്കുന്നത് രാജ്യത്തെ നാരീശക്തി... പരേഡില്‍ 80 ശതമാനവും വനിതകള്‍. വിവിധ സൈനിക, അര്‍ധ സൈനിക വിഭാഗങ്ങളുടെ പരേഡ് നയിക്കുന്നതും വനിതാ ഓഫിസര്‍മാരാണെന്ന പ്രത്യേകതയുമുണ്ട്.

രാജ്യത്തിന്റെ എല്ലാ ദിക്കിലുമുള്ള വൈവിധ്യങ്ങളില്‍ നിന്നും ഓരോ തുള്ളി ഒഴുകിയെത്തി ജനുവരി 26ന് കര്‍ത്തവ്യപഥിലൂടെ ഒരു കടലായൊഴുകുന്നതാണ്. 75ാം റിപ്പബ്ലിക് ദിന ആഘോഷത്തിനുള്ള തയാറെടുപ്പുകള്‍ അവസാന ഘട്ടത്തിലാണ്.

പരേഡിന്റെ ഫുള്‍ ഡ്രസ് റിഹേഴ്‌സല്‍ ചൊവ്വാഴ്ച കഴിഞ്ഞു. സംസ്‌കാരിക വൈവിധ്യവും സൈനിക കരുത്തും ദൃശ്യമാകുന്ന പരേഡില്‍ ഇത്തവണ രാജ്യത്തിന്റെ നാരിശക്തിയാണു പ്രതിഫലിക്കുന്നത്. വിവിധ സേനാ വിഭാഗങ്ങളുടെ ഉള്‍പ്പെടെ പരേഡില്‍ പങ്കെടുക്കുന്നവരില്‍ 80 ശതമാനവും വനിതകളാണ്. വിവിധ സൈനിക, അര്‍ധ സൈനിക വിഭാഗങ്ങളുടെ പരേഡ് നയിക്കുന്നതും വനിത ഓഫിസര്‍മാരാണ്. നായികാ നിരയില്‍ ഒട്ടേറെ മലയാളി വനിതകളും ഉണ്ടെന്നത് സംസ്ഥാനത്തിന് അഭിമാനമായി.