റിപ്പബ്ലിക് ദിനാഘോഷ നിറവിലാണ് രാജ്യം!!! ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത ഗണതന്ത്ര രാജ്യമായിട്ട് 75 വർഷങ്ങൾ!!!! സ്വാതന്ത്ര്യം, ജനാധിപത്യം, മതനിരപേക്ഷത, സോഷ്യലിസ്റ്റ് സങ്കല്പം, രാഷ്ട്ര പരമാധികാരം എന്നീ മഹനീയമായ മൂല്യങ്ങളാണ് നമ്മുടെ ഭരണഘടന ഉയർത്തിപ്പിടിക്കുന്നത്. ആ മൂല്യങ്ങളുടെ നിലനിൽപ്പിനും ശാക്തീകരണത്തിനും വേണ്ടിയുള്ള സമർപ്പണമാണ് ഈ റിപ്പബ്ലിക്ക് ദിനത്തിൽ നമുക്ക് അവർത്തിച്ചുറപ്പിക്കാനുള്ളത്. എല്ലാ പ്രേക്ഷകർക്കും റിപ്പബ്ലിക് ദിനാശംസകൾ

രാജ്യം വലിയ ആഘോഷ നിറവിലാണ് . റിപ്പബ്ലിക് ദിനാഘോഷത്തിൽ മുഖ്യാതിഥിയായി പങ്കെടുക്കാനെത്തിയിരിക്കുന്നത് ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ആണ്.ഇന്നലെ വൈകിട്ട് ജയ്പൂരിലെത്തിയ മാക്രോണിനെ മുഖ്യമന്ത്രി ഭജൻലാൽ ശർമ്മയും വിദേശകാര്യ മന്ത്രി എസ് ജയശങ്കറും ചേർന്നാണ് സ്വീകരിച്ചത്.

അദ്ദേഹത്തിന് പ്രധാനമന്ത്രി നരേന്ദ്രമോദി ഒരു സമ്മാനം നല്കിയിരിക്കുയാണ്. അയോദ്ധ്യാ രാമക്ഷേത്ര മാതൃകയാണ് സമ്മാനിച്ചിരിക്കുന്നത്. ഹവാ മഹൽ സന്ദർശന വേളയിലായിരുന്നു ഫ്രഞ്ച് പ്രസിഡന്റിന് പ്രധാനമന്ത്രി രാമക്ഷേത്രത്തിന്റെ മാതൃക സമ്മാനിച്ചത്. കരകൗശല വിൽപ്പന കേന്ദ്രത്തിൽ പ്രധാനമന്ത്രി മാക്രോണിന് യുപിഐ ഇടപാടുകളെ കുറിച്ച് വിശദീകരിക്കുന്നതും ഒരുമിച്ച് ചായകുടിക്കുന്നതുമായ ദൃശ്യങ്ങൾ പുറത്ത് വന്നു .

മാക്രോൺ യുപിഐ ഇടപാട് നടത്തുന്നതും ദൃശ്യങ്ങളിൽ ഉണ്ട് .പിങ്ക് സിറ്റിയിൽ നിന്ന് ഹവാ മഹലിലേക്ക് ഇരുനേതാക്കളും റോഡ് ഷോ നടത്തി . ആംബർ ഫോർട്ടും ജന്തർ മന്തറും സന്ദർശിച്ചതിന് ശേഷമായിരുന്നു ഇരുനേതാക്കളും റോഡ് ഷോയ്‌ക്കെത്തിയത്.