കേരളം പോലെ തന്നെ എല്ലാവരും ഉറ്റുനോക്കുകയാണ് തമിഴ് നാട് അവിടെയും മന്ത്രി സഭ രൂപീകരണവുമായി ബന്ധപ്പെട്ട് ചർച്ചകൾ നടക്കുന്നതേയുള്ളു . ഏറ്റവും ഒടുവിലായി വരുന്ന റിപ്പോർട്ടുകൾ തമിഴ്നാട് നിയമസഭയിൽ സർക്കാർ രൂപീകരിക്കാനാവശ്യമായ ഭൂരിപക്ഷം വിജയിയുടെ നേതൃത്വത്തിലുള്ള തമിഴക വെട്രി കഴകം ഉറപ്പിച്ചതായാണ് റിപ്പോർട്ട്. കോൺഗ്രസ്, വിസികെ, ഇടതുപക്ഷ കക്ഷികൾ എന്നിവരുടെ പിന്തുണ വിജയ്ക്ക് ലഭിച്ചതായി റിപ്പോർട്ടുകൾ സൂചിപ്പിക്കുന്നു.

234 അംഗങ്ങളുള്ള തമിഴ്നാട് നിയമസഭയിൽ സർക്കാർ രൂപീകരിക്കാൻ 118 സീറ്റുകളാണ് വേണ്ടത്. 107 എംഎൽഎമാരുള്ള ടിവികെയെ, അഞ്ച് എംഎൽഎമാരുള്ള കോൺഗ്രസും രണ്ട് വീതം എംഎൽഎമാരുള്ള സിപിഐ, സിപിഎം, വിസികെ എന്നീ കക്ഷികളും പിന്തുണയ്ക്കാൻ തീരുമാനിച്ചു. ഇതോടെ വിജയിയുടെ സഖ്യത്തിന് 118 എന്ന മാന്ത്രിക സംഖ്യയിൽ എത്താൻ സാധിച്ചു.

ഭൂരിപക്ഷം തെളിയിക്കുന്ന രേഖകളുമായി വിജയ് വെള്ളിയാഴ്ച വൈകുന്നേരം ഗവർണർ രാജേന്ദ്ര വിശ്വനാഥ് അർലേക്കറെ കണ്ട് സർക്കാർ രൂപീകരിക്കാനുള്ള അവകാശവാദം ഉന്നയിക്കും. ഇതിന് മുന്നോടിയായി പിന്തുണയ്ക്കുന്ന കക്ഷികൾ സംയുക്ത വാർത്താ സമ്മേളനം നടത്തുമെന്നും പ്രതീക്ഷിക്കുന്നു.