സുവേന്ദു അധികാരി പശ്ചിമബംഗാള്‍ മുഖ്യമന്ത്രിയാകും. ബിജെപി നിയമസഭ കക്ഷി യോഗത്തിലാണ് തീരുമാനം. ബംഗാളിലെ ആദ്യ ബിജെപി മുഖ്യമന്ത്രിയാണ് സുവേന്ദു അധികാരി അധികാരത്തിലേറുന്നത്. പശ്ചിമബംഗാളിലെ പ്രതിപക്ഷ നേതാവായിരുന്നു അദ്ദേഹം. മമത ബാനര്‍ജിയെ രണ്ട് തവണ പരാജയപ്പെടുത്തി.

കിഴക്കന്‍ മെദിനിപൂരിലെ കാന്തിയിലാണ് സുവേന്ദു അധികാരിയുടെ ജനനം. മുതിര്‍ന്ന കോണ്‍ഗ്രസ്, തൃണമൂല്‍ നേതാവായിരുന്ന ശിശിര്‍ അധികാരിയുടെ മകന്‍. യൂത്ത് കോണ്‍ഗ്രസിലൂടെ രാഷ്ട്രീയത്തിലെത്തി. 1995ല്‍ കാന്തി മുനിസിപ്പാലിറ്റിയില്‍ കൗണ്‍സിലറും കാന്തി മുനിസിപ്പല്‍ ചെയര്‍മാനുമായി. പിന്നീട് തൃണമൂല്‍ കോണ്‍ഗ്രസില്‍ ചേര്‍ന്നു,

2006ല്‍ എംഎല്‍എ ആയി. നന്ദിഗ്രാമിലെ പ്രതിഷേധം മുന്നില്‍ നിന്ന് നയിച്ചു. 2009 മുതല്‍ 2016 വരെ പാര്‍ലമെന്റ് അംഗം. 2016 ല്‍ എംഎല്‍എ ആയി. പശ്ചിമ ബംഗാളില്‍ ട്രാന്‍സ്‌പോര്‍ട്ട്, ജലസേചനം, പരിസ്ഥിതി മന്ത്രിയായി. 2020ല്‍ മമതയുമായി തെറ്റി ബിജെപിയില്‍ ചേര്‍ന്നു. 2021ല്‍ നന്ദിഗ്രാമില്‍ മമത ബാനര്‍ജിയെ പരാജയപ്പെടുത്തി. കഴിഞ്ഞ അഞ്ചു കൊല്ലം പ്രതിപക്ഷ നേതാവായിരുന്നു. 2026ല്‍ നന്ദിഗ്രാമില്‍ നിന്നും ഭവാനിപൂരില്‍ നിന്നും വിജയിച്ചു.