സത്യപ്രതിജ്ഞയ്ക്ക് പിന്നാലെ രാഹുല് ഗാന്ധിക്കായി മുദ്രാവാക്യം വിളിച്ച എംഎല്എയെ തിരുത്തി ഗവര്ണര്
തമിഴ്നാട്ടില് സത്യപ്രതിജ്ഞയ്ക്ക് പിന്നാലെ രാഹുല് ഗാന്ധിക്ക് വേണ്ടി മുദ്രാവാക്യം വിളിച്ച കോണ്ഗ്രസ് എംഎല്എയെ തിരുത്തി ഗവര്ണര് രാജേന്ദ്ര ആര്ലേക്കര്. കന്യാകുമാരിയിലെ കുന്നത്തൂര് മണ്ഡലത്തില് നിന്നുള്ള കോണ്ഗ്രസ് എംഎല്എ എസ്.രാജേഷ് കുമാറാണ് സത്യപ്രതിജ്ഞ ചൊല്ലിയതിന് പിന്നാലെ 'ജനങ്ങളുടെ നേതാവ് കാമരാജ് വാഴ്ക, രാജീവ് ഗാന്ധി വാഴ്ക, രാഹുല് ഗാന്ധി വാഴ്ക' എന്നു പറഞ്ഞത്. നിങ്ങളുടെ സത്യപ്രതിജ്ഞാ ചടങ്ങില് ഇങ്ങനൊന്നില്ലെന്നായിരുന്നു പുഞ്ചിരിയോടെ ഗവര്ണര് പറഞ്ഞത്. വിജയ് മന്ത്രിസഭയിലെ കോണ്ഗ്രസില് നിന്നുള്ള രണ്ട് മന്ത്രിമാരില് ഒരാളാണ് രാജേഷ് കുമാര്. പി.വിശ്വനാഥന് ആണ് രണ്ടാമത്തെയാള്. അഞ്ചുപതിറ്റാണ്ടിനുശേഷമാണ് തമിഴ്നാട്ടില് കോണ്ഗ്രസിനു മന്ത്രിമാരുണ്ടാകുന്നത്.
ടിവികെയില്നിന്ന് 21 പേരും മന്ത്രിമാരായി ഇന്ന് സത്യപ്രതിജ്ഞ ചെയ്തു. ശ്രീനാഥ്, എസ്. കാമാലി, സി. വിജയലക്ഷ്മി, ആര്.വി. രഞ്ജിത്കുമാര്, വിനോദ്, രാജീവ്, ബി. രാജ്കുമാര്, വി. ഗാന്ധിരാജ്, പി. മഥന്രാജ, കെ. ജഗദീശ്വരി, എം. വിജയ് ബാലാജി, ലോകേഷ് തമിഴ്സെല്വന്, എ. വിജയ്തമിഴന് പാര്ഥിപന്, രമേശ്, ആര്. കുമാര്, കെ. തെന്നരശ്, വി. സമ്പത്ത് കുമാര്, ജെ. മുഹമ്മദ് ഫര്വാസ്, ഡി. ശരത്കുമാര്, എന്. മേരി വില്സണ്, കെ. വിഘ്നേഷ് എന്നിവരാണ് സത്യപ്രതിജ്ഞ ചെയ്ത ടിവികെ മന്ത്രിമാര്.
തമിഴ്നാട്ടില് ടിവികെയ്ക്കൊപ്പം ചേര്ന്ന് മുസ്ലിം ലീഗും വിസികെയും. സഖ്യസര്ക്കാരിന്റെ ഭാഗമായിരിക്കുമെന്ന് വിസികെ നേതാവ് തോള് തിരുമാവളവന് പറഞ്ഞു. പാര്ട്ടി എംഎല്എ വണ്ണി അരുസ് മന്ത്രിയായി സത്യപ്രതിജ്ഞ ചെയ്യുമെന്നും അദ്ദേഹം വ്യക്തമാക്കി. ലീഗിന്റെ സംസ്ഥാന സെക്രട്ടറി എ.എം.ഷാജഹാനും മന്ത്രിയായി സത്യപ്രതിജ്ഞ ചെയ്യും. ആദ്യമായാണു ലീഗിനു തമിഴ്നാട്ടില് മന്ത്രിയെ ലഭിക്കുന്നത്. ഇവരുടെ സത്യപ്രതിജ്ഞാ തീയതി അറിയിച്ചിട്ടില്ല.
https://www.facebook.com/Malayalivartha
