പാക്കറ്റ് ഭക്ഷണങ്ങളുടെ ലേബലില് വലിയ മാറ്റത്തിന് എഫ്എസ്എസ്എഐ
ജനങ്ങള്ക്കിടയില് നിത്യോപയോഗസാനങ്ങളായി മാറിയിരിക്കുകയാണ് പാക്കറ്റ് ഉത്പന്നങ്ങള്. ദിവസേന നിരവധി പാക്കറ്റ് സാധനങ്ങളാണ് നമ്മള് ഓരോരുത്തരും വീട്ടിലേക്ക് വാങ്ങുന്നത്. ചിപ്സ്, ബിസ്കറ്റ്, കേക്ക്, ശീതളപാനീയങ്ങള് തുടങ്ങി നിത്യജീവിതത്തില് വ്യാപകമായി ഉപയോഗിക്കുന്ന പാക്കറ്റ് ഭക്ഷണങ്ങളുടെ ലേബലില് വലിയ മാറ്റത്തിന് ഒരുങ്ങുകയാണ് ഫുഡ് സേഫ്റ്റി ആന്ഡ് സ്റ്റാന്ഡേര്ഡ്സ് അതോറിറ്റി ഓഫ് ഇന്ത്യ (എഫ്എസ്എസ്എഐ). ഉപ്പ്, പഞ്ചസാര, കൊഴുപ്പ് എന്നിവ ഉയര്ന്ന അളവില് അടങ്ങിയിട്ടുള്ള ഭക്ഷണങ്ങളുടെ പാക്കറ്റിന്റെ മുന്വശത്ത് തന്നെ ഉപഭോക്താക്കള്ക്ക് മുന്നറിയിപ്പ് നല്കുന്ന രീതിയിലുള്ള ലേബല് കൊണ്ടുവരുന്നതാണ് പരിഗണനയിലുള്ളത്.
ഉല്പ്പന്നത്തില് ഉയര്ന്ന അളവില് ഉപ്പ്, പഞ്ചസാര, കൊഴുപ്പ് എന്നിവ അടങ്ങിയിട്ടുണ്ടെങ്കില് അത് പാക്കറ്റിന്റെ മുന്വശത്ത് തന്നെ വ്യക്തമായി കാണുന്ന തരത്തില് അടയാളപ്പെടുത്തുന്ന സംവിധാനമാണ് മുന്നറിയിപ്പ് ലേബല് അഥവാ റെഡ് വാര്ണിംഗ് ലേബല്. നിലവില് പാക്കറ്റിന്റെ പിന്വശത്ത് രേഖപ്പെടുത്തിയുള്ള പട്ടിക വായിച്ചാണ് ഉല്പ്പന്നത്തിലെ ഘടകങ്ങള് പലരും മനസിലാക്കുന്നത്. പുതിയ സംവിധാനം നിലവില് വന്നാല് പാക്കറ്റ് കൈയിലെടുക്കുന്ന സമയത്ത് തന്നെ ഉല്പ്പന്നത്തില് ഏതെങ്കിലും ഘടകം ഉയര്ന്ന അളവിലുണ്ടോ എന്ന് തിരിച്ചറിയാന് സാധിക്കും.
https://www.facebook.com/Malayalivartha
