കർണാടകയിലെ എല്ലാ വിദ്യാർഥികൾക്കും സർക്കാർ ബസുകളിൽ യാത്ര സൗജന്യമാക്കുന്നതിനുള്ള വിജ്ഞാപനമിറക്കി. സ്ത്രീകൾക്ക് സൗജന്യയാത്ര ലഭ്യമാക്കുന്ന ശക്തി പദ്ധതി പ്രകാരം വിദ്യാർഥിനികൾക്ക് നിലവിൽ ബസുകളിൽ പണം നൽകേണ്ടിയിരുന്നില്ല. ഇതിനൊപ്പം ആൺകുട്ടികൾക്കു കൂടി സൗജന്യ യാത്ര അനുവദിക്കുന്നതിന് നടപടിയെടുക്കുകയായിരുന്നു. 10 ലക്ഷത്തോളം വിദ്യാർഥികൾക്ക് ഇതിന്റെ പ്രയോജനം ലഭ്യമാകും.

ഡി.കെ. ശിവകുമാർ മുഖ്യമന്ത്രിയായി ചുമതലയേറ്റതിനുശേഷം നടപ്പാക്കുന്ന പ്രധാന പദ്ധതിയാണിത്. എല്ലാ സ്‌കൂൾ, കോളേജ് വിദ്യാർഥികൾക്കും ഇനി മുതൽ സർക്കാരിനുകീഴിലുള്ള നാല് ട്രാൻസ്പോർട്ട് കോർപ്പറേഷനുകളുടെയും ബസുകളിൽ യാത്ര സൗജന്യമായിരിക്കുകയും ചെയ്യും.
ഇതിനായി ഒരു വർഷം സർക്കാരിന് വരുന്ന ചെലവ് 1700 കോടി രൂപയായിരിക്കും. കെ.എസ്.ആർ.ടി.സി. ബസുകളിൽ മാത്രം മൂന്നുലക്ഷത്തോളം വിദ്യാർഥികൾക്ക് സൗജന്യയാത്ര അനുവദിക്കേണ്ടി വരും.

നിലവിൽ വിദ്യാർഥികൾക്ക് ബസുകളിൽ കൺസെഷൻ അനുവദിക്കുന്നുണ്ട്. ഇതിനായി പ്രത്യേക ബസ് പാസുകളുണ്ട്. ഇതിനകം തന്നെ പാസുകൾ എടുത്ത വിദ്യാർഥികൾക്ക് പണം തിരികെ നൽകാനായി നടപടിയെടുക്കുമെന്ന് ട്രാൻസ്‌പോർട്ട് കോർപ്പറേഷൻ അധികൃതർ പദ്ധതി നടത്തിപ്പുമായി ബന്ധപ്പെട്ട വിശദമായ മാർഗനിർദേശം ഉടൻ പുറത്തിറക്കുന്നതാണ്.