ഉദയനിധിയുടെ അറസ്റ്റ് കാവേരി വിഷയം വഴിതിരിച്ചുവിടാനെന്ന് സ്റ്റാലിന്
ദ്വയാര്ഥ പരാമര്ശ കേസില് ഡിഎംകെ നേതാവും പ്രതിപക്ഷ നേതാവുമായ ഉദയനിധി സ്റ്റാലിനെ അറസ്റ്റ് ചെയ്ത ടിവികെ സര്ക്കാര് നടപടിക്ക് എതിരേ ഡിഎംകെ അധ്യക്ഷന് എം.കെ. സ്റ്റാലിന്. കാവേരി വിഷയം വഴിതിരിച്ചുവിടാനാണ് സര്ക്കാര് ഈ അറസ്റ്റ് ഉപയോഗിച്ചതെന്ന് സ്റ്റാലിന് ആരോപിച്ചു. ടിവികെ സര്ക്കാരിന്റെ 'ഫാസിസ്റ്റ് പ്രവണതകള്'ക്ക് ഏറ്റ തിരിച്ചടിയാണ് ഹൈക്കോടതി ഉത്തരവെന്നും അദ്ദേഹം എക്സില് പങ്കുവെച്ച കുറിപ്പില് വ്യക്തമാക്കി.
ചോദ്യംചെയ്യുക മാത്രമാണ് ലക്ഷ്യമെങ്കില് എന്തിനാണ് ഉദയനിധിയെ തഞ്ചാവൂരിലേക്ക് കൊണ്ടുപോയതെന്നും സ്റ്റാലിന് ചോദിച്ചു. കസ്റ്റഡിയില് വാങ്ങാന് പോലീസിന് ഉദ്ദേശ്യമില്ലായിരുന്നെങ്കില് പിന്നെ എന്തിനാണ് നിരവധി വകുപ്പുകള് ചുമത്തിയത്? ഉദയനിധിയെ മോചിപ്പിക്കാന് മദ്രാസ് ഹൈക്കോടതി നല്കിയ ഉത്തരവ് സര്ക്കാരിന്റെ നടപടികള്ക്കുള്ള ശക്തമായ മറുപടിയാണെന്നും അദ്ദേഹം കൂട്ടിച്ചേര്ത്തു.
'അഹങ്കാരം വിനാശത്തിന് വഴിയൊരുക്കും, അതിരുകവിഞ്ഞ അഹങ്കാരം വിനാശം വേഗത്തിലാക്കും!' എന്ന് പറഞ്ഞുകൊണ്ടാണ് സ്റ്റാലിന് എക്സില് പങ്കുവെച്ച കുറിപ്പ് ആരംഭിക്കുന്നത്. കാവേരി നദിയിലെ തമിഴ്നാടിന്റെ അവകാശങ്ങള് സംരക്ഷിക്കുന്നതിലും മേകെദാഡു അണക്കെട്ട് പദ്ധതി തടയുന്നതിലും ടിവികെ സര്ക്കാരിന്റെ നിസ്സംഗ സമീപനത്തെ അപലപിച്ചുകൊണ്ടാണ് തഞ്ചാവൂരില് ഡിഎംകെ പ്രതിഷേധം സംഘടിപ്പിച്ചതെന്ന് സ്റ്റാലിന് പറ!ഞ്ഞു.
പാര്ട്ടി പ്രവര്ത്തകരും കര്ഷകരും പൊതുജനങ്ങളും പ്രതിഷേധത്തില് പങ്കെടുത്ത് തങ്ങളുടെ ആശങ്കകള് പ്രകടിപ്പിച്ചു. റാലിയില് സംസാരിച്ച ഉദയനിധി, കാവേരി വിഷയത്തില് സര്ക്കാരിനെ വിമര്ശിക്കുകയും കര്ഷകരുടെ പ്രശ്നങ്ങളില് സര്ക്കാരിന്റെ നിലപാട് ചോദ്യംചെയ്യുകയും ചെയ്തതായി സ്റ്റാലിന് പറഞ്ഞു. ഈ വിമര്ശനങ്ങള്ക്ക് മറുപടി നല്കാന് കഴിയാതെവന്നപ്പോഴാണ് ഉദയനിധിയെ അറസ്റ്റ് ചെയ്ത് സര്ക്കാര് ശ്രദ്ധ തിരിച്ചുവിട്ടതെന്ന് സ്റ്റാലിന് ആരോപിച്ചു.
https://www.facebook.com/Malayalivartha
