ഇന്ത്യന്‍ പാരമ്പര്യമാണ് ഒരാളെ കാണുമ്പോള്‍ വണങ്ങുക നമസ്‌തേ പറയുക എന്നതിലൂടെ കൈമാറ്റപ്പെടുന്നത്. അപരനിലെ ക്ഷേത്രജ്ഞനെയാണ് മാനിക്കുന്നത്. സായിപ്പന്മാര്‍ തുടങ്ങി വച്ച പല കാര്യങ്ങളും അന്ധമായി പിന്തുടരുന്ന ഒരു രീതി നമുക്കുണ്ട്. അതിന്റെ പ്രസക്തിയൊന്നും നോക്കാറുമില്ല. അതിലൊന്നാണ് അഭിവാദന രീതി. 'നമസ്‌തെ' എന്ന ഊഷ്മളമായ അഭിവാദനരീതി നമുക്ക് സ്വന്തമായി ഉള്ളപ്പോഴാണ് കൈ പിടിച്ചു കുലുക്കി 'ഷെയ്ക്ക് ഹാന്‍ഡ്' ചെയ്യുന്നത്.
'നമസ്‌തേ' എന്നു പറയുമ്പോള്‍ നമ്മുടെ ഇരുകൈകളിലേയും വിരലുകള്‍ പരസ്പരം സ്പര്‍ശിയ്ക്കുകയാണ് ചെയ്യുന്നത്. പിന്നീട് ഈ കയ്യ് നാം നെഞ്ചിനു നേരെ കൊണ്ടുവരുന്നു. നെഞ്ചിലെ 'ആനന്ദചക്ര' എന്ന പോയിന്റിനു നേരെയാണ് കൊണ്ടുവരുന്നത്. ഈ കേന്ദ്രം സ്‌നേഹം, ആര്‍ദ്രത തുടങ്ങിയ വികാരങ്ങളെ കേന്ദ്രീകരിച്ചുള്ളതാണ്. നാം കൈ കൂപ്പുന്നത് മനസില്‍ തൊടുന്നുവെന്നര്‍ത്ഥം. ആനന്ദ്രചക്രത്തിന്റെ പ്രവര്‍ത്തനത്തിലൂടെ നമ്മുടെ ശരീരത്തില്‍ പോസിറ്റീവ് എനര്‍ജി രൂപപ്പെടും. ഇത് മറ്റേയാളിലേയ്ക്കും പകരും.
കൈകൂപ്പിയുള്ള 'നമസ്‌തെ'യ്ക്ക് ശാസ്ത്രീയ വശവുമുണ്ട്. വിരലുകള്‍ കൂട്ടി മുട്ടുമ്പോള്‍ വിരലുകള്‍ക്കറ്റത്തുള്ള നാഡികളില്‍ മര്‍ദമേല്‍ക്കുന്നു. ഈ നാഡികള്‍ ചെവി, തല, കണ്ണ് തുടങ്ങിയ സംവേദനക്ഷമതയുള്ള അവയവങ്ങളുമായി ബന്ധപ്പെട്ടിട്ടുള്ളതാണ്. 'നമസ്‌തെ' പറയുന്നതിലൂടെ ഈ അവയവങ്ങളില്‍ നാഡീമര്‍ദത്തിലൂടെ പ്രവര്‍ത്തനം ത്വരിതപ്പെടും. ഇത് മറ്റേയാളുടെ മുഖം, ശബ്ദം, പേര് എന്നിവയെല്ലാം ഓര്‍ക്കാന്‍ സഹായകമാകുകയും ചെയ്യും. അതുപോലെ പുരുഷന്‍മാര്‍ സ്ത്രീകള്‍ക്ക് കൈകൊടുക്കരുതെന്നും പറയാറുണ്ട്.
ഷെയ്ക്ക് ഹാന്റിന് മറ്റൊരു ആരോഗ്യദൂഷ്യവുമുണ്ട്. കൈകള്‍ പരസ്പരം സ്പര്‍ശിയ്ക്കുമ്പോള്‍ കൈകളിലെ രോഗാണുക്കള്‍ പരസ്പരം കൈമാറ്റം ചെയ്യപ്പെടുകയാണ് ചെയ്യുന്നത്. അപ്പോള്‍ പിന്നെ നമ്മള്‍ വെറുതെ സായിപ്പന്മാരെ അനുകരിയ്‌ക്കേണ്ട കാര്യമുണ്ടോ...? നമസ്‌തേ അല്ലേ നല്ലത്‌