പി ടി ഉഷ ബിജെപി ദേശീയ കൗണ്സില് സമ്മേളനത്തിന്റെ സ്വാഗതസംഘം അധ്യക്ഷ
സെപ്റ്റംബര് 23 മുതല് 25 വരെ കോഴിക്കോട് നടക്കുന്ന ബിജെപി ദേശീയ കൗണ്സില് സമ്മേളനത്തിന്റെ സ്വാഗതസംഘം അധ്യക്ഷയായി പി.ടി ഉഷയെ തെരഞ്ഞെടുത്തു. ശ്രീനാരായണ സെന്റീനറി ഹാളില് നടന്ന യോഗം ജനാധിപത്യ രാഷ്ട്രീയ സഭ അദ്ധ്യക്ഷ സി കെ ജാനു ഉദ്ഘാടനം ചെയ്തു. സാമൂതിരി കെ സി ഉണ്ണിയനുജന് രാജ, ജെആര്എസ് നേതാവ് സി കെ ജാനു, കഥകളി ആചാര്യന് ഗുരു ചേമഞ്ചേരി കുഞ്ഞിരാമന് നായര്, ഡോ. കെ മാധവന്കുട്ടി, ഓ രാജഗോപാല് എംഎല്എ, ഗാന്ധിയന് ഗോപിനാഥന് നായര് (തിരുവനന്തപുരം), ശ്രീമതി അഹല്യാ ശങ്കര് എന്നിവര് രക്ഷാധികാരികളായ സ്വാഗതസംഘത്തില് ഒളിംപ്യന് പി ടി ഉഷയാണ് അധ്യക്ഷ.
സംഘത്തിന്റെ ജനറല് കണ്വീനറായി കുമ്മനം രാജശേഖരനേയും രക്ഷാധികാരികളായി ഒ.രാജഗോപാല്, കെ,സുരേന്ദ്രന് എന്നിവരെയും തിരഞ്ഞെടുത്തു. ബിജെപി സംസ്ഥാന ജനറല് സെക്രട്ടറിമാരായ കെ സുരേന്ദ്രന്, എം ടി രമേശ് എന്നിവര് കണ്വീനര്മാരാണ്.ബിജെപി ദേശീയ സെക്രട്ടരി എച്ച് രാജ, മംഗലാപുരം എംപി നളിന്കുമാര് കട്ടീല്, കുമ്മനം രാജശേഖരന്, പി എസ് ശ്രീധരന് പിള്ള, പി കെ കൃഷ്ണദാസ്, എംടി രമേശ്, കെ സുരേന്ദ്രന്, എ എന് രാധാകൃഷ്ണന്, കെ പി ശ്രീശന്, ജനാധിപത്യ രാഷ്ട്രീയ സഭാ നേതാക്കളായ കുമാരദാസ്, തെക്കന് സുനില് കുമാര് തുടങ്ങി നിരവധി പേര് പങ്കെടുത്തു.
ഇന്ത്യയിലെ ഏറ്റവും മികച്ച കായികതാരമായിരുന്നു പി.ടി. ഉഷ അഥവാ പിലാവുള്ളകണ്ടി തെക്കേപ്പറമ്പില് ഉഷ. ഇന്ത്യ കണ്ട എക്കാലത്തെയും മികച്ച ഓട്ടക്കാരിയായാണ് പി.ടി.ഉഷയെ കണക്കാക്കുന്നത്. 1984-ല് പദ്മശ്രീ ബഹുമതിയും അര്ജുന അവാര്ഡും ഉഷ കരസ്ഥമാക്കി 2000 -ല് അന്താരാഷ്മത്സരങ്ങളില് നിന്ന് ഇന്ത്യയുടെ വിരമിച്ചു. .ഇപ്പോള് വളര്ന്നു വരുന്ന കായിക പ്രതിഭകളെ പരിശീലിപ്പിക്കാന് ഉഷ സ്കൂള് ഓഫ് അത്ലറ്റിക്സ് നടത്തുന്നു.
https://www.facebook.com/Malayalivartha
