ഓണ്ലൈനില് സിനിമയുടെ വ്യാജ പതിപ്പ് കാണുന്നത് കുറ്റമല്ലെന്ന് ബോംബെ ഹൈക്കോടതി
ഓണ്ലൈനില് സിനിമയുടെ വ്യാജ പതിപ്പ് കാണുന്നത് കുറ്റമല്ല മറിച്ച് അത് അനുവാദമില്ലാതെ പകര്പ്പുണ്ടാക്കി പ്രദര്ശിപ്പിക്കുകയും വില്ക്കുകയും വാടകയ്ക്ക് നല്കുകയും ചെയ്യുന്നതാണ് കുറ്റകരമെന്ന് ബോംബെ ഹൈക്കോടതി.
ഡിഷൂം എന്ന സിനിമയുടെ നിര്മ്മാതാക്കള് വ്യാജ പകര്പ്പിനെതിരെ നല്കിയ പരാതിയുടെ അടിസ്ഥാനത്തിലായിരുന്നു കോടതിയുടെ ഈ പരാമര്ശം. ബ്ലോക് ചെയ്ത സൈറ്റുകളില് എറര് സന്ദേശം പ്രദര്ശിപ്പിക്കണം. ഈ സന്ദേശത്തില് ഏതൊക്കെ നിയമം അനുസരിച്ച് വ്യാജന് ഇറക്കുന്നത് കുറ്റകരമാകുമെന്നും മൂന്നുവര്ഷം വരെ തടവും മൂന്നു ലക്ഷം രൂപ വരെ പിഴയും ചുമത്തുന്നതും അടക്കമുള്ള വിവരങ്ങളും ചേര്ക്കണം.
പരാതികള് പരിശോധിക്കാന് ഇന്റര്നെറ്റ് സേവനദാതാക്കള് നോഡല് ഓഫീസര്മാരെ നിയമിക്കണമെന്നും കൃത്യമായി ഉപഭോക്താക്കള്ക്ക് പരാതിപ്പെടാന് ഒരു ഇമെയില് വിലാസവും നല്കണമെന്നും കോടതി അഭിപ്രായപ്പെട്ടു.
https://www.facebook.com/Malayalivartha
