അഞ്ചംഗ കുടുംബത്തിന് നേരെ അയല്‍വാസി കുടുംബം ആസിഡ് ആക്രമണം നടത്തി. തന്നെ കളിയാക്കിയെന്നാരോപിച്ചാണ് ആസിഡ് ആക്രമണം നടത്തിയത്. മൂന്ന് കുട്ടികളും രണ്ട് മുതിര്‍ന്നവരുമാണ് ആക്രമണത്തിന് ഇരയായത്. കുട്ടികളുടെ നില ഗുരുതരമാണ്. വെള്ളിയാഴ്ച രാത്രി ജന്‍പൂര്‍ ജില്ലയിലാണ് ആക്രമണം നടന്നത്.

ടിവി ഷോ കാണുന്നതിനിടയില്‍ തടിച്ച സ്ത്രീയെകുറിച്ചുള്ള പരാമര്‍ശമാണ് ആക്രണമണത്തിന് കാരണമായത്. സംസാരിക്കുന്നതിനിടയില്‍ അയല്‍വാസിയായ തടിച്ച സ്ത്രീ വീടിന് മുന്നിലൂടെ നടന്ന് പോകുന്നുണ്ടായിരുന്നു. അവരെ കളിയാക്കിയാണ് സംസാരിക്കുന്നത് എന്ന് തെറ്റുധരിച്ചാണ് സംഭവം നടന്നത്. യുവതി വീട്ടില്‍ പോയി സംഭവം പറയുകയും തന്നെ അപമാനിച്ചു എന്ന് പറയുകയും ചെയ്തു.

തുടര്‍ന്ന് ക്ഷുപിതരായ വീട്ടുകാര്‍ ആസിഡുമായി എത്തി അഞ്ചംഗത്തിന് നേരെ ഒഴിക്കുകയായിരുന്നു. ആസിഡ് ആക്രമണം നടത്തിയ കുടുംബാംഗങ്ങള്‍ക്ക് നേരെ പോലീസ് കേസ് എടുത്തിട്ടുണ്ട്.