ഇന്ത്യക്കാര്‍ പുതിയ സാങ്കേതിക വിദ്യ സ്വീകരിക്കാന്‍ മടികാണിക്കുമെന്ന മിഥ്യധാരണയെ പൊളിച്ചടുക്കി മുകേഷ് അംബാനിയുടെ ജിയോ!
ഇന്ത്യയിലെ ഇന്റര്‍നെറ്റ് ഉപഭോഗത്തിന്റെ കാര്യത്തില്‍ വിപ്ലവകരമായ മാറ്റങ്ങള്‍ സൃഷ്ടിച്ച നെറ്റ്‌വര്‍ക്കാണ് മുകേഷ് അംബാനിയുടെ ഉടമസ്ഥതയിലുള്ള ജിയോ. ഒരു വര്‍ഷം മുമ്പ് ഇന്ത്യയിലെ പ്രതിമാസ ശരാശരി ഡാറ്റ ഉപയോഗം വെറും 20 കോടി ജി.ബിയായിരുന്നു. ഇന്ന് പ്രതിമാസം ഇന്ത്യക്കാര്‍ ഉപയോഗിക്കുന്നത് 150 കോടി ജി.ബി ഡാറ്റയാണ്. കഴിഞ്ഞ സെപ്തംബറില്‍ പ്രവര്‍ത്തനമാരംഭിച്ച ജിയോയാണ് ഇന്ത്യക്കാരന്റെ റെക്കോര്‍ഡ് ഡാറ്റ ഉപയോഗിത്തിന് പിന്നില്‍.
സേവനം ആരംഭിച്ച് ഒരു വര്‍ഷത്തിനകം നിരവധി റെക്കോര്‍ഡുകളാണ് ഇന്ത്യന്‍ ടെലികോം മേഖലയില്‍ ജിയോ സ്ഥാപിച്ചത്. ജിയോ ഉപയോക്താക്കളുടെ എണ്ണം 13 കോടി കഴിഞ്ഞെന്നാണ് കമ്പനി ചെയര്‍മാന്‍ മുകേഷ് അംബാനി കഴിഞ്ഞ ദിവസം വ്യക്തമാക്കിയത്. ചുരങ്ങിയ കാലയളവിനുള്ളില്‍ ഇത്രത്തോളം ഉപയോക്താക്കളെ കൂട്ടിചേര്‍ത്തതിനുള്ള റെക്കോര്‍ഡും ജിയോ സ്വന്തമാക്കിയിട്ടുണ്ട്.
ഇന്ത്യക്കാര്‍ പുതിയ സാങ്കേതിക വിദ്യ സ്വീകരിക്കാന്‍ മടികാണിക്കുമെന്ന മിഥ്യധാരണയെ ജിയോ പൊളിച്ചടുക്കിയതാണ് കമ്പനിയുടെ പ്രധാന നേട്ടമെന്ന് മുകേഷ് അംബാനി അവകാശപ്പെടുന്നു. കഴിഞ്ഞ വര്‍ഷം സെപ്തംബര്‍ അഞ്ചിനാണ് ജിയോ ഇന്ത്യയില്‍ സേവനം ആരംഭിക്കുന്നത്. ആദ്യം നാല് മാസത്തേക്ക് സൗജന്യ സേവനം നല്‍കുന്ന പ്ലാനാണ് ജിയോ ഇന്ത്യന്‍ വിപണിയില്‍ അവതരിപ്പിച്ചത്. ഇതിന് ശേഷം സൗജന്യ സേവനത്തിന്റെ കാലാവധി ദീര്‍ഘിപ്പിച്ചു. പിന്നീട് കൂടുതല്‍ ഡാറ്റ നല്‍കുന്ന ആകര്‍ഷകമായ പ്ലാനുകള്‍ അവതരിപ്പിച്ചു.
പുതിയ കണക്കുകളനുസരിച്ച് 29 ദശലക്ഷം ഉപഭോക്താകള്‍ ജിയോയിലേക്ക് എത്തുന്നുവെന്നാണ് റിപ്പോര്‍ട്ട്.
https://www.facebook.com/Malayalivartha
