മാധ്യമപ്രവര്ത്തക ഗൗരി ലങ്കേഷിന്റെ കൊലപാതകത്തില് വീട്ടില് നിന്നുള്ള സിസിടിവി ദൃശ്യങ്ങള് പുറത്തുവിട്ടേക്കും
മാധ്യമപ്രവര്ത്തക ഗൗരി ലങ്കേഷിന്റെ കൊലപാതകത്തില് വീട്ടില്നിന്നുള്ള സിസിടിവി ദൃശ്യങ്ങള് പൊലീസ് പുറത്തുവിട്ടേക്കും. ഒരു പ്രാദേശിക ചാനല് പുനഃസൃഷ്ടിച്ച കൊലപാതക ദൃശ്യങ്ങള് സമൂഹമാധ്യമങ്ങളില് പ്രചരിക്കുന്നതിനാലാണു യഥാര്ത്ഥ ദൃശ്യങ്ങള് പുറത്തുവിടാന് ആലോചിക്കുന്നത്.
ഗൗരി ലങ്കേഷിനു ലഭിച്ച ഫോണ് കോളുകള് അന്വേഷണ സംഘം പരിശോധിക്കുകയാണ്. സിസിടിവി ക്യാമറകളിലേതിനു സാമാനമായ ദൃശ്യങ്ങളാണു പ്രാദേശിക ചാനല് പുനഃസൃഷ്ടിച്ചു സംപ്രേക്ഷണം ചെയ്തത്. സമൂഹമാധ്യമങ്ങളില് ഗൗരി ലങ്കേഷിന്റെ അവസാന നിമിഷങ്ങള് എന്നപേരില് ദൃശ്യങ്ങള് വ്യാപകമായി പ്രചരിച്ചിരുന്നു.
ഇതില് അന്വേഷണ സംഘം അതൃപ്തി രേഖപ്പെടുത്തി. ഈ സാഹചര്യത്തിലാണ് യഥാര്ത്ഥ ദൃശ്യങ്ങള് പുറത്തുവിടുന്നത്. അതേസമയം, ഗൗരി ലങ്കേഷിനു ലഭിച്ച ഫോണ് കോളുകളാണു അന്വേഷണ സംഘം നിലവില് പരിശോധിക്കുന്നത്. എന്നാല് അസ്വാഭാവികമായി ഒന്നും കണ്ടെത്താനായില്ല.
കോണ്ടാക്ട് ലിസ്റ്റില് ഇല്ലാത്ത നമ്പറുകള് കേന്ദ്രീകരിച്ചു കൂടുതല് പരിശോധന നടത്തും. സമൂഹമാധ്യമങ്ങളിലെ ഗൗരി ലങ്കേഷിന്റെ പോസ്റ്റുകള്ക്കു വന്ന കമന്റുകളും അന്വേഷണ സംഘം സൂക്ഷ്മമായി പരിശോധിക്കും. കൃത്യം നടത്തിയതു വാടക കൊലയാളികളാണെന്ന നിഗമനത്തിലാണു പൊലീസ്.
https://www.facebook.com/Malayalivartha
