ഇപോസ് മെഷീനിലെ തകരാര്: പതിനായിരക്കണക്കിന് സാധാരണക്കാര് റേഷന്കിട്ടാതെ വലഞ്ഞു
ഉപഭോക്താക്കളുടെ ആധാര് വിവരങ്ങള് ഇ പോസ് മെഷീനുമായി ബന്ധിപ്പിച്ചതിലെ തകരാറിനെ തുടര്ന്ന് ഡല്ഹിയില് റേഷന് കിട്ടാതെ പതിനായിരക്കണക്കിന് സാധാരണക്കാര് വലഞ്ഞു. റേഷന് കടയിലെത്തുന്ന ഉപഭോക്താവ് മെഷീനില് വിരലടയാളം നല്കുമ്പോള് ആധാര് ഡേറ്റാബേസില് നിന്ന് അര്ഹമായ വിഹിതം സംബന്ധിച്ച വിവരം ലഭ്യമാകും. ഇത് വിജയകരമായി പൂര്ത്തിയായെങ്കില് മാത്രമെ ഉപഭോക്താവിന് റേഷന് ലഭിക്കുകയുള്ളു.
ഡല്ഹിയിലെ 2255 റേഷന്കടകളിലായി ജനുവരി ഒന്ന് മുതലാണ് ആധാര് വിരങ്ങള് ഇ പോസ് മെഷീനുമായി ബന്ധിപ്പിച്ച് തുടങ്ങിയത്. പലരുടെയും വിരലടയാളം മെഷീനുമായി യോജിക്കുന്നില്ലെന്ന പരാതി പദ്ധതിയുടെ ആദ്യ ഘട്ടത്തില് തന്നെ ഉയര്ന്നിരുന്നു.
തുടര്ന്ന് ജനുവരി പതിനഞ്ചോടു കൂടി ഉപഭോക്താക്കളുടെ ഐറിസ് (കൃഷ്ണമണി) സ്കാന് ചെയ്ത് വണ് ടൈം പാസ് വേഡ് നല്കി പ്രശ്നം പരിഹരിക്കുമെന്ന് സര്ക്കാര് അറിയിച്ചിരുന്നെങ്കിലും പ്രാരംഭ നടപടികള് പോലും പൂര്ത്തിയായിട്ടില്ല.
അതേസമയം, ഇന്റര്നെറ്റ് സംവിധാനത്തിലുണ്ടായ സാങ്കേതിക തകരാറാണ് ഇപ്പോഴത്തെ പ്രശ്നങ്ങള്ക്ക് കാരണമെന്നും, ഇത് ദ്രുതഗതിയില് പരിഹരിക്കുന്നതിനുള്ള നടപടികള് സര്ക്കാര് സ്വീകരിച്ച് വരികയാണെന്നും ഡല്ഹി ഭക്ഷ്യവകുപ്പ് മന്ത്രി ഇമ്രാന് ഹുസൈന് പറഞ്ഞു.
ഇ പോസിന്റെ പ്രവര്ത്തനം ഇങ്ങനെ
ഇ പോസ് എന്നാല് ഇലക്ട്രോണിക് പോയിന്റ് ഓഫ് സെയില്. ഉപഭോക്താക്കളുടെ ആധാര് വിവരങ്ങള് ഇ പോസ് മെഷീനുമായി ബന്ധിപ്പിച്ചാണ് റേഷന് വിതരണം ചെയ്യുക. റേഷന് കടയിലെത്തുന്ന ഉപഭോക്താവ് മെഷീനില് വിരലടയാളം നല്കുമ്പോള് ആധാര് ഡേറ്റാബേസില് നിന്ന് അര്ഹമായ വിഹിതം സംബന്ധിച്ച വിവരം ലഭ്യമാകും. ഇതിന്റെ പ്രിന്റ്ഔട്ട് നല്കുന്നതിനൊപ്പം ഉപഭോക്താവിന്റെ മൊബൈല് നമ്പറില് സന്ദേശവുമെത്തും. ഇന്റര്നെറ്റ് കണക്ഷനുള്ള ചെറിയ മെഷീനുകളാണ് റേഷന് കടകള്ക്കായി സര്ക്കാര് വാങ്ങുന്നത്.
https://www.facebook.com/Malayalivartha
