പുതിയ ഇന്ത്യയുടെ നിര്മാണത്തിന് 2018 നിര്ണായകമാണെന്ന് രാഷ്ട്രപതി. കാര്ഷിക വരുമാനം ഇരട്ടിയാക്കാന് സര്ക്കാര് ശ്രമിക്കുന്നു, കുറഞ്ഞനിരക്കില് ചികില്സാ സൗകര്യം നല്കാന് സര്ക്കാര് പ്രതിഞ്ജാബദ്ധമെന്നും രാഷ്ട്രപതി
മുത്തലാഖ് ബില് താമസിക്കാതെ പാസാകുമെന്ന് പ്രതീക്ഷിക്കുന്നതായി രാഷ്ട്രപതി രാംനാഥ് കോവിന്ദ്. പാര്ലമെന്റിന്റെ ബജറ്റ് സമ്മേളനത്തോട് അനുബന്ധിച്ച് ഇരുസഭകളുടെയും സംയുക്തസമ്മേളനത്തെ അഭിസംബോധന ചെയ്യുകയായിരുന്നു അദ്ദേഹം. ബില് പാസാകുന്നതോടെ മുസ്്ലിം വനിതകള്ക്ക് അന്തസോടെ ജീവിക്കാനാകും.പുതിയ ഇന്ത്യയുടെ നിര്മാണത്തിന് 2018 നിര്ണായകമാണ്. കാര്ഷിക വരുമാനം ഇരട്ടിയാക്കാന് സര്ക്കാര് ശ്രമിക്കുന്നു. 2022ല് ഇത് പൂര്ത്തിയാക്കാനാകും. ജലസേചനം മെച്ചപ്പെടുത്തുന്നു. സ്വയം സഹായ സംഘങ്ങളെ സര്ക്കാര് പ്രോല്സാഹിപ്പിക്കുന്നുണ്ട്. ആദിവാസികളുടെ ക്ഷേമത്തിനായി വിവിധ പദ്ധതികള് നടപ്പാക്കുന്നു. മുതിര്ന്ന പൗരന്മാരുടെ ക്ഷേമത്തിന് പ്രത്യേകം കരുതല്. രണ്ടര ലക്ഷം ഗ്രാമങ്ങളില് അതിവേഗ ഇന്റര്നെറ്റ് സേവനം ലമ്യമാക്കി- രാഷ് ട്രപതി പറഞ്ഞു.
സര്ക്കാര് പാവപ്പെട്ടവര്ക്ക് കൂടുതല് അവസരങ്ങള് ഒരുക്കി. കുറഞ്ഞനിരക്കില് ചികില്സാ സൗകര്യം നല്കാന് സര്ക്കാര് പ്രതിഞ്ജാബദ്ധം. 2022ല് എല്ലാവര്ക്കും വീട് എന്നതാണ് സര്ക്കാര് ലക്ഷ്യം. കായികരംഗത്ത് ഇന്ത്യയെ ആഗോളതലത്തിലെത്തിക്കും. ബജറ്റില് കര്ഷകര്ക്കും താഴേതട്ടിലുള്ളവര്ക്കും മുന്ഗണന. ക്ഷീരോല്പാദക രംഗത്ത് 11,000 കോടിയുടെ ഫണ്ട് അനുവദിച്ചു. ബാങ്കിംഗ് സംവിധാനവും പാവപ്പെട്ടവരും തമ്മിലുള്ള അകലം കുറച്ചു. ന്യൂനപക്ഷ വിദ്യാര്ത്ഥികള്ക്ക് കൂടുതല് സ്കോളര്ഷിപ്പ് അനുവദിക്കും. ലിള ഇന്ഷുറന്സ് 18 കോടി ജനങ്ങള്ക്ക് പ്രയോജനപ്പെട്ടു. തൊഴിലാളികളുടെ മിനിമം വേതനം 40 ശതമാനം വര്ദ്ധിപ്പിച്ചു. കാര്ഷിക ഉല്പാദനത്തില് വര്ദ്ധനയുണ്ടായി. അങ്ങനെ സര്ക്കാരിന്റെ നേട്ടങ്ങള് അക്കമിട്ട് നിരത്തിയാണ് രാഷ്ട്രപതി നയപ്രഖ്യാപന പ്രസംഗം നടത്തിയത്.
ഇരുസഭകളിലും സാമ്പത്തികസര്വേ അവതരിപ്പിക്കും. ഫെബ്രുവരി ആദ്യമാണ് പൊതുബജറ്റ്. സമ്മേളനത്തിന്റെ ആദ്യഘട്ടം ഒന്പതിന് അവസാനിക്കും. രണ്ടാംഘട്ടം മാര്ച്ച് അഞ്ച് മുതല് ഏപ്രില് ആറു വരെയാണ്. സമ്മേളനത്തിന് മുന്നോടിയായി ഞായറാഴ്ച സര്ക്കാരും സ്പീക്കര് സുമിത്രാ മഹാജനും വെവ്വേറെ സര്വകക്ഷി യോഗങ്ങള് വിളിച്ചിരുന്നു. മുത്തലാഖ് ബില് സമ്മേളനത്തില് പാസാക്കാന് എല്ലാ ശ്രമവും നടത്തുമെന്ന് ഈ യോഗത്തിനുശേഷം മന്ത്രി അനന്ത് കുമാര് അറിയിച്ചു. ബില് പാസാക്കാന് പ്രതിപക്ഷത്തിന്റെ സഹകരണം ആവശ്യപ്പെടുമെന്നും നേതാക്കളുമായി സംസാരിക്കുമെന്നും മന്ത്രി വ്യക്തമാക്കി. ശീതകാലസമ്മേളനത്തില് ലോക്സഭ പാസാക്കിയ ബില്ലിന് പ്രതിപക്ഷത്തിന്റെ എതിര്പ്പു കാരണം രാജ്യസഭയുടെ അംഗീകാരം നേടാന് കഴിഞ്ഞിരുന്നില്ല. ബില് സെലക്ട് കമ്മിറ്റിക്ക് വിടണമെന്നാണ് പ്രതിപക്ഷം ആവശ്യപ്പെടുന്നത്. ഒ.ബി.സി. കമ്മിഷന് ഭരണഘടനാപദവി നല്കുന്നതിനുള്ള ബില്ലും സമ്മേളനത്തില് പാസാക്കാനാണ് സര്ക്കാരിന്റെ ശ്രമം. ബി.ജെ.പി.യെ സംബന്ധിച്ച് രണ്ട് ബില്ലുകളും രാഷ്ട്രീയപ്രാധാന്യമുള്ളതാണ്.
https://www.facebook.com/Malayalivartha
