കേന്ദ്രസര്‍ക്കാറി​ന്റെ നടപടികള്‍ ഇന്ത്യന്‍ ജനാധിപത്യത്തെ നശിപ്പിക്കുമെന്ന്​ കോണ്‍ഗ്രസ്​ നേതാവ്​ മല്ലികാര്‍ജുന്‍ ഖാര്‍ഗെ. ഭരണകക്ഷികള്‍ സമ്മേളനം പിരിയാന്‍ നേരമാണ്​ ബില്ലുകള്‍ കൊണ്ടുവരുന്നത്​. ഇതുമൂലം ചര്‍ച്ചകള്‍ നടത്താതെ ബില്ല്​ പാസാക്കാന്‍ കക്ഷികള്‍ നിര്‍ബന്ധിതരാവുകയാണെന്നും ഖാര്‍ഗെ പറഞ്ഞു.

പ്രധാന വിഷയങ്ങളൊന്നും ചര്‍ച്ച ചെയ്യാറില്ല. ഇതില്‍ വൈരുദ്ധ്യങ്ങളുണ്ട്​. ബില്ലുകള്‍ അവതരിപ്പിക്കുന്നത്​ അവസാന നിമിഷമാണ്​. കേന്ദ്രം അവരുടെ ഭൂരിപക്ഷം ഉപയോഗിച്ച്‌​ ബില്ലുകള്‍ പാസാക്കാന്‍ ശ്രമിക്കുകയാണ്​. ഇത്​ ജനാധിപത്യത്തിന്​ ദോഷമാണ്​ എന്ന്​ ഖാര്‍ഗെ പറഞ്ഞു.

ബജറ്റ്​ സമ്മേളനത്തിന്​ ദൈര്‍ഘ്യം കുറവാണെന്നും നാലു ദിവസം കൊണ്ട്​ എന്തു കാര്യങ്ങളാണ്​ ചര്‍ച്ച ​ചെയ്യാനാവുകയെന്നും അദ്ദേഹം ചോദിച്ചു. ഭരണ കക്ഷികള്‍ കാര്യങ്ങളെ നിസാരവത്​കരിക്കുകയാണ്​. ബില്ലുകള്‍ പാസാക്കുന്നതും അതുപോ​െല നിസാരകാര്യമായാണ്​ അവര്‍ കരുതുന്നത്​. അവര്‍ക്ക്​ ഭൂരിപക്ഷമുള്ളതിനാല്‍ എന്തുമാകാമെന്നാണ്​ അവരുടെ വിചാരമെന്നും ഖാര്‍ഗെ കുറ്റപ്പെടുത്തി.