ബാലുശ്ശേരി നിയോജകമണ്ഡലത്തിൽ ധർമ്മജൻ മത്സരിക്കുന്നതിനെതിരെ കോൺഗ്രസ് നിയോജക മണ്ഡലം കമ്മിറ്റി; മികച്ച പ്രതിച്ഛായയില്ലാത്ത ധര്മജനെ സ്ഥാനാര്ഥിയായി ഉയര്ത്തിക്കാട്ടുന്നത് യുഡിഎഫിന് ഗുണം ചെയ്യില്ല
നിയമസഭ തെരഞ്ഞെടുപ്പിന് മത്സരിക്കാനൊരുങ്ങുന്ന ധർമ്മജൻ ബോള്ഗാട്ടിക്കെതിരെ കോണ്ഗ്രസ് ബാലുശേരി മണ്ഡലം കമ്മിറ്റി. ഈ ആവശ്യം ഉന്നയിച്ച് മണ്ഡലം കമ്മിറ്റി കെപിസിസി അധ്യക്ഷന് കത്ത് നൽകിയിരിക്കുകയാണ്.
ധര്മജനെ സ്ഥാനാര്ഥിയാക്കുന്നത് യുഡിഎഫിന് ആക്ഷേപകരമാണെന്നും നടിയെ ആക്രമിച്ച കേസില് മുന്നണി മറുപടി പറയേണ്ടി വരുമെന്നുമാണ് മണ്ഡലം കമ്മിറ്റി അഭിപ്രായപ്പെടുന്നത്. ധര്മ്മജനെ മത്സരിപ്പിക്കുന്നത് യുഡിഎഫിന് ക്ഷീണം ചെയ്യുമെന്ന് മണ്ഡലം കമ്മിറ്റിയുടെ കത്തില് പറഞ്ഞിരിക്കുന്നത്.
മുസ്ലിം ലീഗിന്റെ സംവരണ മണ്ഡലമായ കോഴിക്കോട്ടെ ബാലുശേരിയിൽ കഴിഞ്ഞ തവണ മുസ്ലിം ലീഗായിരുന്നു മത്സരിച്ചത്. എന്നാൽ ഇത്തവണ ഈ സീറ്റ് കോണ്ഗ്രസ് ഏറ്റെടുക്കുകയും പകരം കുന്ദമംഗലം സീറ്റ് ലീഗിന് വിട്ടുകൊടുക്കുകയുമാണ് ചെയ്തിരിക്കുന്നത്.ഇതോടെ നടൻ ധര്മ്മജൻ ബോൾഗാട്ടി ഈ സീറ്റിൽ മത്സരിക്കാനുള്ള എല്ലാ സാധ്യതയും തെളിഞ്ഞിരിക്കുകയാണ്.
കൂടാതെ ധര്മജനെ മാറ്റിനിര്ത്തി പകരം മറ്റ് യുവാക്കള്ക്ക് അവസരം നല്കണമെന്നും ആവശ്യവും ഉയർന്നു വരുന്നുണ്ട്.
https://www.facebook.com/Malayalivartha