ഞായറാഴ്ച നടന്ന വിജയയാത്ര സമാപന ചടങ്ങിൽ കേന്ദ്ര മന്ത്രി അമിത് ഷാ പങ്കെടുത്തിരുന്നു. എന്നാൽ പ്രസംഗത്തിനിടയിൽ അദ്ദേഹം സ്വര്‍ണക്കടത്തു കേസിലെ ദുരൂഹ മരണത്തെ കുറിച്ച്‌ പറഞ്ഞിരുന്നു. എന്നാൽ സംബന്ധിച്ച്‌ അറിയില്ലെന്ന് ബി.ജെ.പി. അധ്യക്ഷന്‍ കെ. സുരേന്ദ്രന്‍ പറഞ്ഞു . പറഞ്ഞത് ആഭ്യന്തരമന്ത്രി അമിത് ഷായാണ്. അദ്ദേഹം തന്നെ കൂടുതല്‍ കാര്യങ്ങള്‍ വിശദീകരിക്കുമെന്നും സുരേന്ദ്രന്‍ വ്യക്തമാക്കി.

ഞായറാഴ്ച നടന്ന വിജയയാത്ര സമാപന വേദിയില്‍വെച്ചാണ് അമിത് ഷാ സ്വര്‍ണ്ണക്കടത്തു കേസിലെ ദുരൂഹമരണം സംബന്ധിച്ച്‌ മുഖ്യമന്ത്രി പിണറായി വിജയനോട് ചോദ്യം ഉന്നയിച്ചത്. ഡോളര്‍, സ്വര്‍ണക്കടത്ത് കേസുകളുമായി ബന്ധപ്പെട്ട് മുഖ്യമന്ത്രിയോടായി അമിത് ഷാ എട്ട് ചോദ്യങ്ങള്‍ ചോദ്യങ്ങള്‍ ചോദിച്ചിരുന്നു. 'ഇതുമായി ബന്ധപ്പെട്ട് സംശയാസ്പദമായ ഒരു മരണത്തെ കുറിച്ച്‌ അന്വേഷണം നടത്തിയോ' എന്നായിരുന്നു അതിലെ ഒരു ചോദ്യം.

എന്നാല്‍ ഏത് ദുരുഹമരണമാണ് ഈ കേസുമായി ബന്ധപ്പെട്ടുള്ളത് എന്ന് വ്യക്തമായിരുന്നില്ല. ഇതു സംബന്ധിച്ച്‌ മാധ്യമപ്രവര്‍ത്തകര്‍ ചോദിച്ചപ്പോഴാണ് തനിക്കും ഇതിനെ കുറിച്ച്‌ അറിയില്ലെന്നും അമിത് ഷായോട് തന്നെ ചോദിക്കണമെന്നും കെ സുരേന്ദ്രന്‍ പറഞ്ഞത്. നിയമസഭ തിരഞ്ഞെടുപ്പിന് മുന്നോടിയായി ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍ നടത്തിയ വിജയയാത്രയുടെ സമാപന സമ്മേളനത്തില്‍ കേന്ദ്ര ആഭ്യന്തര മന്ത്രി അമിത് ഷാ പ്രസംഗം നടത്തിയിരുന്നു . കേരളത്തില്‍ നടന്ന പല അഴിമതികളുടെയും വിവരങ്ങള്‍ തന്റെ പക്കലുണ്ടെന്ന് അദ്ദേഹം പറഞ്ഞു .