അഞ്ചു വര്ഷത്തിനുള്ളില് ഇന്ത്യയിലെ ഏറ്റവും മികച്ച നഗരമാക്കി പാലക്കാടിനെ മാറ്റും ; .പാലക്കാട് മണ്ഡലത്തില് വിജയിക്കുമെന്ന് ഉറച്ച വിശ്വാസമുണ്ട് ; തിരഞ്ഞെടുപ്പ് പ്രചാരണങ്ങള്ക്ക് തുടക്കമിട്ട് ഇ.ശ്രീധരൻ
പാലക്കാട് നിയമസഭാ മണ്ഡലത്തിലെ ബിജെപി സ്ഥാനാര്ഥിയായ ഇ.ശ്രീധരന് തിരഞ്ഞെടുപ്പ് പ്രചാരണങ്ങള്ക്ക് ആരംഭം കുറിച്ചു. പാലക്കാട് നഗരത്തെ രണ്ടു വര്ഷത്തിനുള്ളില് കേരളത്തിലെ ഏറ്റവും മികച്ച നഗരമാക്കുമെന്ന് ശ്രീധരന് വ്യക്തമാക്കിയിരിക്കുകയാണ്.
അഞ്ചു വര്ഷത്തിനുള്ളില് ഇന്ത്യയിലെ ഏറ്റവും മികച്ച നഗരമാക്കി പാലക്കാടിനെ മാറ്റുമെന്നും ശ്രീധരന് പറഞ്ഞു. തിരഞ്ഞെടുപ്പ് പ്രചാരണങ്ങൾ ആരംഭിച്ചിരിക്കുകയാണ് അദ്ദേഹം. സംസ്ഥാനത്തുടനീളം ശ്രീധരന് താരപ്രചാരകനായിരിക്കും. പ്രചാരണത്തിനായി പ്രത്യേക ഹെലികോപ്റ്റര് സൗകര്യം ബിജെപി ഒരുക്കും.
.പാലക്കാട് മണ്ഡലത്തില് വിജയിക്കുമെന്ന് ഉറച്ച വിശ്വാസമുണ്ടെന്നും പ്രായക്കൂടുതല് ഒരു പ്രശ്നമല്ല കൂടുതല് പ്രായമെന്നാല് കൂടുതല് അനുഭവസമ്പത്താണെന്നും അദ്ദേഹം പറഞ്ഞു. പാലക്കാട് തനിക്ക് ഒരു അന്യപ്രദേശമല്ല. പാലക്കാട് മുന്സിപാലിറ്റി ഇപ്പോള് ബിജെപിയുടെ കെെയിലാണ്. നല്ല മിടുക്കന്മാരായ പ്രവര്ത്തകര് ഉണ്ട്. താന് പഠിച്ചതും വളര്ന്നതുമൊക്കെ പാലക്കാടാണെന്നും ശ്രീധരന് വെളിപ്പെടുത്തി .
ഒരു വിവാദത്തിന്റെയും പിന്നാലെ പേകാന് തനിക്ക് താല്പര്യമില്ല. ശബരിമല ഉള്പ്പെടെയുള്ള വിഷയങ്ങളില് ഇടപ്പെടുന്നില്ല. രാജ്യത്തെ വികസനമാണ് തന്റെ മുഖ്യ ലക്ഷ്യമെന്നും അദ്ദേഹം പറഞ്ഞു. രാജ്യത്തേക്ക് വ്യവസായം വരണം. വ്യവസായം ഇല്ലാതെ രാജ്യത്തേക്ക് സമ്പത്ത് വരില്ല. ഒരുപാട് പേര് തൊഴിലല്ലാതെ ഇരിക്കുകയാണ്. വ്യവസായങ്ങള് കൊണ്ടുവരണം അവര്ക്ക് ജോലി കൊടുക്കണമെന്നും ഇ.ശ്രീധരന് പറഞ്ഞു.
https://www.facebook.com/Malayalivartha
