ചടയമംഗലത്ത് ചിഞ്ചു റാണിക്കെതിരെ പ്രവർത്തകരുടെ പ്രതിഷേധം ശക്തം... സ്ഥാനാർഥിയെ വേണ്ടെന്ന് അണികൾ... സിപിഐയില് വൻ പൊട്ടിത്തെറി...
ഓരോ ഇടങ്ങളിലെ പ്രശ്നങ്ങൾ പരിഹരിച്ച് വരുമ്പോൾ മറ്റിടങ്ങളിൽ പുതുയ വിഷയങ്ങൾ മുളപൊട്ടുകയാണ്. സ്ഥാനാർഥി നിർണയത്തെച്ചൊല്ലി ഇപ്പോൾ ചടയമംഗലത്താണ് സി.പി.ഐയിൽ പരസ്യ പ്രതിഷേധം നടക്കുന്നത്.
ജെ. ചിഞ്ചു റാണിയെ സ്ഥാനാർഥിയായി മത്സരിപ്പിക്കാൻ തീരുമാനമെടുത്തതിനു പിന്നാലെയാണ് പ്രതിഷേധവുമായി അണികൾ റോഡിലിറങ്ങിയത്. ഇതിനിടെ സ്വതന്ത്ര സ്ഥാനാര്ത്ഥിയെ മത്സരിപ്പിക്കാനാനും ഒരു വിഭാഗം സിപിഐ പ്രവര്ത്തകർ നീക്കം ആരംഭിച്ചതായാണ് വിവരം.
പ്രാദേശിക നേതാവായ എ. മുസ്തഫയെ കടത്തി വെട്ടിയാണ് വനിതാ പ്രതിനിധിയെന്ന നിലയിൽ ചിഞ്ചു റാണിയെ മത്സരിപ്പിക്കാൻ സി.പി.ഐ തീരുമാനിച്ചത്. മുസ്തഫയെ സ്ഥാനാർഥിയാക്കണമെന്ന് ആവശ്യപ്പെട്ട് ഇന്നലെ മണ്ഡലത്തിൽ സി.പി.ഐ പ്രവർത്തകർ പ്രതിഷേധ പ്രകടനം നടത്തി.
സിപിഐയുടെ ഔദ്യോഗിക സ്ഥാനാര്ത്ഥിയായ ജെ. ചിഞ്ചുറാണിയെ എതിര്ക്കുന്നവരുടെ കണ്വെന്ഷന് ഇന്ന് വൈകിട്ട് ചടയമംഗലത്ത് കൂടും. ഇവിടെ വെച്ച് മുസ്തഫയെ സ്വതന്ത്ര സ്ഥാനാര്ത്ഥിയായി പ്രഖ്യാപിക്കുമെന്നാണ് വിവരം.
അതേസമയം, പാർട്ടി ശക്തി കേന്ദ്രത്തിലെ വിമതരുടെ ഈ നീക്കം ചര്ച്ചയിലൂടെ പരിഹരിക്കാൻ സി.പി.ഐ നേതൃത്വം ശ്രമം ആരംഭിച്ചിട്ടുണ്ട്. ചിഞ്ചു റാണിയെ കൂടാതെ മുൻ എംഎൽഎ മുല്ലക്കര രത്നാകരനെതിരെയും പ്രതിഷേധം നടക്കുന്നുണ്ട്.
നാട്ടികയില് സിറ്റിങ് എംഎല്എ ഗീത ഗോപിയെ ഒഴിവാക്കി സി. സി മുകുന്ദനെ സി.പി.ഐ സ്ഥാനാർഥിയാക്കിയിരുന്നു. പറവൂരില് വി.ഡി സതീശനെതിരെ എം. ടി നിക്സണും ഹരിപ്പാട് രമേശ് ചെന്നിത്തലയ്ക്കെതിരെ എ.ഐ.വൈ.എഫ് സംസ്ഥാന പ്രസിഡന്റ് ആര്. സജിലാലും മത്സരിക്കും.
വനിതാ പ്രാതിനിധ്യം ഉറപ്പാക്കാന് ഗീത ഗോപിക്ക് മൂന്നാം ടേം കൂടി നല്കണമെന്ന നിര്ദേശം സംസ്ഥാന നേതൃത്വം മുന്നോട്ടു വച്ചിരുന്നു. എന്നാല് ജില്ലാ നേതൃത്വം ഇത് നിഷേധിക്കുകയയിരുന്നു.
പകരം സി. സി മുകുന്ദനെ നിര്ദേശിക്കുകയായിരുന്നു. വൈക്കത്ത് രണ്ടാം ടേം മത്സരിക്കുന്ന സി. കെ ആശയും ജെ. ചിഞ്ചുറാണിയും മാത്രമാണ് വനിതകളായി സി. പി. ഐ പട്ടികയിൽ ഇടം നേടിയവർ.
സിപിഐ 25 സീറ്റിലാണ് ആകെ മത്സരിക്കുന്നത്. ഇതില് 21 സീറ്റില് നേരത്തെ സ്ഥാനാര്ഥികളെ പ്രഖ്യാപിച്ചിരുന്നു ബാക്കി നാല് ഇടത്ത് ആണ് കഴിഞ്ഞ ജിവസം പ്രഖ്യാപനം നടത്തിയത്.
നെടുമങ്ങാട്- ജി.ആര്.അനില്, പി.എസ്. സുപാല് (പുനലൂര്), ജി.എസ്.ജയലാല് (ചാത്തന്നൂര്), സി.കെ.ആശ (വൈക്കം), മുഹമ്മദ് മുഹ്സിന് (പട്ടാമ്പി), ചിറ്റയം ഗോപകുമാര് (അടൂര്), ഇ.കെ. വിജയന് (നാദാപുരം), ആര്. രാമചന്ദ്രന് (കരുനാഗപ്പള്ളി) വി. ശശി (ചിറയിന്കീഴ്), കെ. രാജന് (ഒല്ലൂര്), വി.ആര്. സുനില്കുമാര് (കൊടുങ്ങല്ലൂര്), പി.പ്രസാദ് (ചേര്ത്തല), എല്ദോ എബ്രഹാം (മൂവാറ്റുപുഴ) തുടങ്ങിയവരാണ് സ്ഥാനാർഥികൾ.
https://www.facebook.com/Malayalivartha
