കോൺഗ്രസും സിപിഎമ്മും തമ്മിൽ ചക്കളത്തിപ്പോരെന്ന വിമർശനവുമായി ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. അഖിലേന്ത്യാതലത്തിൽ ഒരുമിച്ച് നിൽക്കുന്ന കോൺഗ്രസും സിപിഎമ്മും തമ്മിൽ കേരളത്തിൽ നടക്കുന്നത് ചക്കളത്തിപ്പോരാണെന്നാണ് അദ്ദേഹം പറയുന്നത് .

വാളയാറിന് അപ്പുറം സിപിഎമ്മിന്റെ നേതാവ് രാഹുൽഗാന്ധിയാണ്. സിപിഎം ജനറൽ സെക്രട്ടറി സീതാറാം യെച്ചൂരിയാണ് സോണിയാഗാന്ധിയുടെ ഉപദേഷ്ടാവ്. എന്നാൽ കേരളത്തിൽ കോടിയേരിയും കെ.സുധാകരനും മലയാളികളെ കബളിപ്പിക്കുകയാണ്. 2024ലെ ലോക്സഭാ തിരഞ്ഞെടുപ്പിലും സിപിഎമ്മും കോൺഗ്രസും ഒരു മുന്നണിയായി തന്നെയാവും മത്സരിക്കുകയെന്ന് ഉറപ്പാണ്.

ഏത് അവിശുദ്ധ സഖ്യത്തിനെയും തോൽപ്പിക്കാൻ ബിജെപി പ്രാപ്തമാണ്. നാല് സംസ്ഥാനങ്ങളിലെ തിരഞ്ഞെടുപ്പ് ഫലം തെളിയിക്കുന്നത് ജനങ്ങൾ നരേന്ദ്രമോദിക്ക് ഒപ്പമാണെന്നാണ്. ജനങ്ങളിൽ കണ്ണിൽപ്പൊടിയിടുന്നത് നിർത്തി കേരളത്തിലും ഒരുമിച്ച് മത്സരിക്കാൻ കോൺഗ്രസും ഇടതുപക്ഷവും തയ്യാറാവണമെന്നും സുരേന്ദ്രൻ ആവശ്യപ്പെട്ടു.