ഗവര്‍ണറെ പിന്തുണച്ച് കേന്ദ്രമന്ത്രി വി മുരളീധരന്‍ . പേഴ്സണല്‍ സ്റ്റാഫ് നിയമനത്തെച്ചൊല്ലി ഗവര്‍ണറും സര്‍ക്കാരും ഇടഞ്ഞു നിൽക്കുന്നതിനിടയിലാണ് കേന്ദ്രമന്ത്രി വീണ്ടും അദ്ദേഹത്തെ പിന്തുണച്ചിരിക്കുന്നത്. ആജീവനാന്ത പെൻഷൻ നൽകാനല്ല രാജ്ഭവനിൽ നിയമിക്കുന്നത് എന്നാണ് അദ്ദേഹം പറഞ്ഞിരിക്കുന്നത് .എല്‍ഡിഎഫ് രാജ്ഭവന് മുന്നിൽ മുദ്രാവാക്യം വിളിച്ചിട്ട് കാര്യമില്ല എന്നും അദ്ദേഹം ചൂണ്ടിക്കാണിച്ചു.

ജനങ്ങളുടെ നികുതി പണം പാർട്ടിക്കാർക്ക് പെൻഷൻ നൽകുന്ന നയത്തെ കുറിച്ച് ജനങ്ങളോട് മറുപടി പറയണമെന്നും കേന്ദ്രമന്ത്രി ആക്രോശിച്ചു .താൽകാലിക ജീവനക്കാരെ സ്ഥിരപ്പെടുത്തില്ല എന്ന കാര്യം സർക്കാർ തീരുമാനിക്കട്ടെയെന്നും അദ്ദേഹം പറഞ്ഞു. താൽക്കാലിക ജീവനക്കാരെ സ്ഥിരപ്പെടുത്താനാണ് ഗവർണർ പറഞ്ഞത് എന്നും അദ്ദേഹം ചൂണ്ടിക്കാണിച്ചു .

ഇടത് സർക്കാർ ചെയ്യുന്നത് പെൻഷൻ നൽകാനുള്ള പദ്ധതിയാണ്. പ്രതിപക്ഷ നേതാവിനെയും അദ്ദേഹം പരിഹസിച്ചു. രാജാവിനെക്കാൾ വലിയ രാജഭക്തിയാണെന്നും അദ്ദേഹം ചൂണ്ടിക്കാണിക്കുകയും ചെയ്തു. നിർണായകമായ കാര്യങ്ങളാണ് അദ്ദേഹം പറഞ്ഞിരിക്കുന്നത്.