രാഹുല് ഗാന്ധിയുടെ ഭാരത് ജോഡോ യാത്ര 135 ദിവസത്തെ യാത്രയ്ക്കു ശേഷം സമാപിച്ചിരിക്കുന്നു...14 സംസ്ഥാനങ്ങളിലെ 75 ജില്ലകള്...ഉടനെ അടുത്ത യാത്ര ഉണ്ടാകുമെന്ന് രാഹുൽ, ഇത് തീർന്നില്ലേ..കുറച്ചു കാലം വിശ്രമിക്കാൻ ബിജെപിയും.. ൫൬
രാഹുല് ഗാന്ധിയുടെ ഭാരത് ജോഡോ യാത്ര 135 ദിവസത്തെ യാത്രയ്ക്കു ശേഷം സമാപിച്ചിരിക്കുന്നു. 14 സംസ്ഥാനങ്ങളിലെ 75 ജില്ലകള്. രണ്ടു കേന്ദ്രഭരണ പ്രദേശങ്ങള്. സെപ്റ്റംബര് ഏഴിന് കന്യാകുമാരിയില് നിന്ന് തുടങ്ങി ഞായറാഴ്ച കാല്നട യാത്ര പരിസമാപ്തിയിലെത്തിയപ്പോള് രാഹുലും കൂട്ടരും പിന്നിട്ടത്. 4080 കിലോമീറ്റര്. തിങ്കളാഴ്ച രാവിലെ 10 മണിക്ക് ശ്രീനഗറിലെ പി.സി.സി. ഓഫീസില് രാഹുല് ദേശീയ പതാക ഉയര്ത്തും. പിന്നാലെ ശേര് എ ക്രിക്കറ്റ് സ്റ്റേഡിയത്തില് സമാപന റാലിയും പൊതുസമ്മേളനവും. പ്രതിസന്ധികള് അതിജീവിച്ചുള്ള, അഞ്ചു മാസത്തോളം നീണ്ട, സ്വതന്ത്രേന്ത്യ കണ്ട ഏറ്റവും വലിയ പദയാത്ര പൂര്ത്തിയാക്കി രാഹുല് ഗാന്ധി ചരിത്രം തീര്ക്കുമ്പോള്, അത് കോണ്ഗ്രസ്സിന് നല്കുന്ന ആത്മവിശ്വാസവും പ്രതീക്ഷയും ചില്ലറയല്ല.ഒപ്പം രാഹുല് ഗാന്ധിയുടെ പ്രതിച്ഛായയിലുണ്ടാക്കിയതും വലിയ മാറ്റങ്ങള്. യാത്രയിലുടനീളം താടി വളര്ത്തി, കൊടും തണുപ്പിലും ടീ ഷര്ട്ടുമാത്രമിട്ട് രാഹുല് നടത്തിയ യാത്ര അദ്ദേഹത്തിന്റെ കായിക ശേഷിയെയും സഹനശേഷിയെയും കൂടി ബോധ്യപ്പെടുത്തി. പത്രസമ്മേളനങ്ങളിലും അളന്നു കുറിച്ചുള്ള മറുപടി. ഏതു ചോദ്യത്തിനും കൃത്യമായ രാഷ്ട്രീയ ബോധ്യത്തോടെയുള്ള ഉത്തരം. നടത്തം രാഷ്ട്രീയമാണെന്നും ജനങ്ങളുമായുള്ള ഇടപഴകല് രാഷ്ട്രീയ പ്രവര്ത്തനമാണെന്നും ഇതെല്ലാം രാഷ്ട്രീയ വീക്ഷണത്തില് കൂടുതല് ഉള്ക്കാഴ്ച രൂപപ്പെടുത്തുമെന്നും വ്യക്തമാക്കുന്നുണ്ട്, ഭാരത് ജോഡോ യാത്രയുടെ കഴിഞ്ഞുപോയ ഓരോ ദിനങ്ങളും.
ഈ യാത്രയില് രാഹുലിനൊപ്പം സ്ഥിരം അണിചേര്ന്ന കുറച്ചു പേര് കൂടിയുണ്ട്. എന്നാൽ ഇതുകൊണ്ടൊന്നും യാത്ര അവസാനിപ്പിക്കുന്നില്ല അദ്ദേഹം എന്നുള്ള വെളിപ്പെടുത്തലാണ് നടത്തിയിരിക്കുന്നത്, ഭാരത് ജോഡോ യാത്ര ഒരു തുടക്കം മാത്രമാണെന്നും, ബി.ജെ.പിയും ആര്.എസ്.എസും പ്രചരിപ്പിക്കുന്ന വിദ്വേഷത്തിനെതിരായ പോരാട്ടം തുടരുമെന്നും രാഹുല് ഗാന്ധി.ജോഡോ യാത്രക്ക് ശേഷം വീണ്ടുമൊരു യാത്ര മനസിലുണ്ടെന്ന് രാഹുല് പറഞ്ഞു. കശ്മീരില് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.പ്രതിപക്ഷ കക്ഷികള്ക്കിടയില് അഭിപ്രായവ്യത്യാസങ്ങളുണ്ടെന്നതു ശരിയാണെന്നും, എന്നാല് ആര്.എസ്.എസിന്റെ വിദ്വേഷ രാഷ്ട്രീയത്തിനെതിരെ പ്രതിപക്ഷ കക്ഷികള് ഒന്നിച്ചുനില്ക്കുമെന്നും രാഹുല് പറഞ്ഞു.‘ജീവിതത്തിലെ ഏറ്റവും സുന്ദരമായ അനുഭവമായിരുന്നു ഈ യാത്ര. ലക്ഷക്കണക്കിന് മനുഷ്യരെ കണ്ടു. അവരുടെ സ്നേഹവും കരുത്തും അനുഭവിച്ചു. നിരവധി കാര്യങ്ങള് പഠിച്ചു.കോണ്ഗ്രസ് പ്രവര്ത്തകരെക്കാള് കൂടുതല് സാധാരണക്കാരാണ് യാത്രയുടെ ഭാഗമായത്. അങ്ങനെ നോക്കുമ്പോള് ഇതു ഇന്ത്യന് യാത്രയാണ്.പടിഞ്ഞാറ് നിന്ന് കിഴക്കോട്ട് മറ്റൊരു യാത്രയെ കുറിച്ച് എനിക്കൊപ്പം നടന്നവര് നിരന്തരം ആവശ്യപ്പെടുന്നുണ്ട്. അത്തരമൊരു യാത്ര എന്റെ മനസിലുണ്ട്.എന്റെ പൂര്വികര് കശ്മീരില് നിന്ന് അലഹാബാദിലേക്കു ചേക്കേറിയവരാണ്. അവര് അന്ന് സഞ്ചരിച്ച വഴിയിലൂടെയുള്ള പിന്നടത്തമാണ് ഞാന് നടത്തിയത്. ഞാന് കുടുംബത്തിലേക്കാണ്
നടന്നെത്തിയതെന്ന് പറയാം,’ രാഹുല് പറഞ്ഞു.അഞ്ച് മാസം നീണ്ടുനിന്ന ഭാരത് ജോഡോ യാത്ര ഇന്ന് അവസാനിക്കും. ജമ്മു കശ്മീര് പി.സി.സി ഓഫീസില് രാവിലെ പത്ത് മണിക്ക് കോണ്ഗ്രസ് അധ്യക്ഷന് മല്ലികാര്ജ്ജുന് ഖാര്ഗെ പതാക ഉയര്ത്തും. പതിനൊന്ന് മണിക്ക് സമാപന സമ്മേളനം തുടങ്ങും.സമ്മേളനത്തില് 11 പ്രതിപക്ഷ പാര്ട്ടി നേതാക്കള് പങ്കെടുക്കും. എന്നാല്, ജെ.ഡി.യു, ജെ.ഡി.എസ്, തൃണമൂല് കോണ്ഗ്രസ്, സി.പി.ഐ.എം തുടങ്ങിയ പ്രധാന പ്രതിപക്ഷ കക്ഷികള് യാത്രയുടെ സമാപന സമ്മേളനത്തില് നിന്ന് വിട്ടുനില്ക്കും.136 ദിവസം പിന്നിട്ട് 4,080 കിലോമീറ്ററോളം സഞ്ചരിച്ചാണ് രാഹുല് ഗാന്ധി നയിച്ച ഭാരത് ജോഡോ യാത്ര പര്യവസാനത്തിലേക്കെത്തുന്നത്. 2022 സെപ്റ്റംബര് ഏഴിന് കന്യാകുമാരിയില് നിന്നാണ് ഭാരത് ജോഡോ യാത്ര തുടങ്ങിയത്. തമിഴ്നാട് മുഖ്യമന്ത്രി എം.കെ. സ്റ്റാലിനായിരുന്നു യാത്ര ഫ്ളാഗ് ഓഫ് ചെയ്തത്.
https://www.facebook.com/Malayalivartha
