യു.ഡി.എഫ് അധികാരത്തില്‍ എത്തിയാല്‍ ആഭ്യന്തരം കൈകാര്യം ചെയ്യുന്നത് ജമാഅത്ത് ഇസ്ലാമി ആയിരിക്കുമെന്ന എ.കെ ബാലന്റെ പരാമർശം നാട്ടിൽ വർഗീയ ചേരിതിരിവ് ഉണ്ടാക്കാനുള്ള ശ്രമത്തിന്റെ ഭാഗമാണെന്ന് കോൺഗ്രസ് നേതാവ് രമേശ് ചെന്നിത്തല. ബിജെപിയുടെ അതേ സ്വരത്തിലും ഭാഷയിലുമാണ് എ.കെ ബാലൻ സംസാരിക്കുന്നത്.

ഇത്തരത്തിലൊരു പ്രചാരണം നടത്തുന്നത് ബിജെപി യെ സഹായിക്കാൻ വേണ്ടിയാണ്. മുന്നണിയുടെ നയമാണോ എ.കെ ബാലൻ സംസാരിക്കുന്നതെന്ന് വ്യക്തമാക്കേണ്ടതുണ്ട്.ഇതിനെയെല്ലാം അതിജീവിച്ചു കൊണ്ട് യുഡിഎഫ് ശക്തമായ മുന്നേറ്റം നടത്തും എന്നും അദ്ദേഹം പറഞ്ഞു.

ശബരിമല കൊള്ളയിൽ പുറത്തുവരുന്നത് ഞെട്ടിപ്പിക്കുന്ന വിവരങ്ങളാണ്.ഇനിയും കൂടുതൽ കാര്യങ്ങൾ പുറത്തു വരാൻ ഉണ്ട്.ഉന്നതബന്ധങ്ങളും അന്താരാഷ്ട്ര ബന്ധങ്ങളും കണ്ടെത്താൻ സിബിഐ അന്വേഷണം വേണം. അന്വേഷണം വമ്പൻ സ്രാവുകളിലേക്ക് എത്തണം. സ്വർണ്ണം മുഴുവൻ മോഷ്ടിച്ചു കൊണ്ടു പോകാൻ സഹായിച്ചത് പത്മകുമാറാണ്.ശബരിമലയിൽ നടന്ന എല്ലാ കൊള്ളകൾക്കും നേതൃത്വം കൊടുത്തത് സിപിഎമ്മും സിപിഎമ്മിന്റെ നേതാക്കന്മാരായ ദേവസ്വം ബോർഡ് പ്രസിഡന്റുമാരുമാണ് എന്നും അദ്ദേഹം പറഞ്ഞു.