പാലക്കാട് ബിജെപി സ്ഥാനാർത്ഥിയായി നടൻ ഉണ്ണി മുകുന്ദൻ അടക്കമുള്ള പ്രമുഖരെ പരിഗണിക്കാൻ സാധ്യതയെന്ന വിവരമാണ് പുറത്ത് വരുന്നത്. പാർട്ടിയുടെ പ്രാഥമിക പരിശോധനയിൽ ഉണ്ണി മുകുന്ദന് വിജയ സാധ്യതയെന്ന് വിലയിരുത്തൽ. തെരഞ്ഞെടുപ്പിന് മുന്നോടിയായി ബിജെപി ഏൽപ്പിച്ച് ഏജൻസി ഓരോ മണ്ഡലത്തിൻറെ സ്വഭാവം, വിജയസാധ്യത ആർക്കൊക്കെ എന്നൊക്കെ പഠിച്ച് സമർപ്പിച്ചു.

റിപ്പോർട്ട് പ്രകാരം പാലക്കാട് ഏറ്റവും കൂടുതൽ വിജയസാധ്യതയുള്ളത് ഉണ്ണി മുകുന്ദനാണ് എന്നാണ് വ്യക്തമാക്കുന്നത്. കൂടാതെ മറ്റ് പ്രമുഖരുടെ പേര് കൂടി റിപ്പോർട്ടിൽ ഉൾപ്പെടുത്തിയിരിക്കുകയാണ്. എന്നാൽ ബിജെപി ഉണ്ണി മുകുന്ദനോട് ഇക്കാര്യത്തിൽ ഔദ്യോഗികമായി സംസാരിച്ചിട്ടൊന്നും ഇല്ല.

കെ സുരേന്ദ്രൻ, പ്രശാന്ത് ശിവൻ, അഡ്വ ഇ കൃഷ്ണദാസ് എന്നിവരുടെ പേരും പരിഗണനയിലുണ്ട്. അതേ സമയം, ശോഭ സുരേന്ദ്രന് പാലക്കാട് താൽപര്യമില്ലെന്ന സൂചനയാണ് പുറത്തുവരുന്നത്. എന്നാൽ റിപ്പോർട്ട് പ്രകാരം ഉണ്ണി മുകുന്ദൻ മത്സരിച്ചാൽ പാലക്കാട് വൻ ഭൂരിപക്ഷത്തോടെ വിജയിക്കാൻ സാധ്യതയുണ്ടെന്നാണ് ബിജെപിയുടെ നിഗമനം.