അടിച്ച് മോനെ അടിച്ച്... അബുദാബി ബിഗ് ടിക്കറ്റിൽ 18കോടിയുമായി മലയാളി; കുണ്ടറ സ്വദേശി യോഹന്നാന് സൈമണിനെ ഭാഗ്യദേവത കടാക്ഷിച്ചത് ഓണ്ലൈന് വഴി വാങ്ങിയ ടിക്കറ്റിൽ
അബുദാബിയിലെ നറുക്കെടുപ്പില് വമ്പന് ഭാഗ്യം തേടിയെത്തിയത് മലയാളിയെ. അബുദാബി രാജ്യാന്തര വിമാനത്താവളത്തില് ഇന്നലെ രാവിലെയായിരുന്നു നറുക്കെടുപ്പ്. ഖിസൈസില് സാസ്കോ ഫര്ണിച്ചര് ഡയറക്ടറാണ് സൈമണ്. ജൂലൈ എട്ടിനായിരുന്നു അദ്ദേഹം ടിക്കറ്റ് എടുത്തത്.
കുണ്ടറ സ്വദേശി വാഴപ്പള്ളി യോഹന്നാന് സൈമണ് എന്നയാള്ക്ക് 18 കോടി 75 ലക്ഷം രൂപയാണ് അബുദാബി ബിഗ് ടിക്കറ്റ് റാഫിളില് സമ്മാനമായി ലഭിച്ചത്. നേരത്തെയും പലപ്രാവശ്യം ടിക്കറ്റ് എടുത്തിരുന്നെങ്കിലും അത് പലരുമായി ചേര്ന്നായിരുന്നുവെന്ന് സൈമണ് പറഞ്ഞു. ഇന്നലെ രാവിലെ 11 മണിയോടെയാണ് നറുക്കെടുപ്പ് നടന്നത്. അധികൃതര് ഫോണില് ബന്ധപ്പെട്ട് കാര്യം അറിയിച്ചെങ്കിലും വിശ്വസിച്ചില്ല. വീണ്ടും വീണ്ടും ഇക്കാര്യം അറിയിച്ചപ്പോഴാണ് താന് വിശ്വസിച്ചതെന്ന് സൈമണ് പറയുന്നു.
സൈമണ് ഓണ്ലൈന് വഴി വാങ്ങിയ 041614 എന്ന ടിക്കറ്റിനാണ് ഭാഗ്യം തേടിയെത്തിയത്. സമ്മാനം ലഭിച്ചതില് സന്തോഷമുണ്ടെന്നും ബിസിനസ് വിപുലീകരിക്കുകയാണ് തന്റെ ആഗ്രഹം എന്നും സൈമണ് പറഞ്ഞു.
https://www.facebook.com/Malayalivartha