അമേരിക്കയിലെ ഹൂസ്റ്റണിൽ കൂട്ടുകാർക്കൊപ്പം കടലില്‍ ബോട്ടിംഗ് നടത്തവേ അപകടത്തിൽപ്പെട്ട് കാണാതായ മലയാളി യുവാവിന്റെ മൃതദേഹം കണ്ടത്തിയതായി റിപ്പോർട്ടുകൾ. ആഗസ്ത് 3 വെള്ളിയാഴ്ച രാത്രിയിൽ ഉണ്ടായ അപകടത്തിൽ കാണാതായ ജിനു ജോസഫ് (39) ന്‍റെ മൃതദേഹം ശനിയാഴ്ച വൈകീട്ടു കണ്ടെത്തിയാതായി എ ബി സി വാര്‍ത്ത ചാനല്‍ റിപ്പോര്‍ട്ട് ചെയ്‌തു.

മലയാളികളായ മറ്റു മൂന്ന് കൂട്ടുകാര്‍ക്കൊപ്പം കടലില്‍ ബോട്ടിംഗ് നടത്തുന്നതിനിടയിലാണ് അപകടം സംഭവിച്ചത്. ബോട്ടില്‍ ഉണ്ടായിരുന്ന ജിനുവിനെ ഒരു സെല്‍ഫി എടുക്കുന്നതിനിടയില്‍ കാണാതാവുകയായിരുന്നു. ശാന്തമായി കിടന്ന തടാകത്തില്‍ യാതൊരുവിധ ശബ്ദവും ഇല്ലാതെയാണ് ജിനുവിനെ കാണാതായത് എന്ന് കൂട്ടുകാര്‍ പറയുന്നു

ഭാര്യ ഫിന്‍സി പൂഴിക്കോല്‍ മണലേല്‍ കുടുംബാംഗമാണ്. മക്കള്‍ : അലോവ് , അലോണ , അലോഷ്. മൃതദേഹം ഹൂസ്റ്റണ്‍ ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്മാർട്ടത്തിനു ശേഷം സംസ്കാരം നാട്ടില്‍ നടത്തുന്നതിനാണ് തീരുമാനിച്ചിരിക്കുന്നതെന്ന് ബന്ധുവായ ബെന്നി തോമസ് അറിയിച്ചു.