ഇന്ത്യ ഫെസ്റ്റിന്‌ അബുദാബി ഒരുങ്ങുന്നു
അബുദാബി മുന്‍സിപ്പാലിറ്റിയുമായി ചേര്‍ന്ന്‌ അബുദാബി ഇന്ത്യ സോഷ്യല്‍ സെന്റര്‍ സംഘടിപ്പിക്കുന്ന ഇന്ത്യാ ഫെസ്റ്റിന്‌ ഒരുക്കങ്ങളായി. ഡിസംബര്‍ 4,5,6 എന്നീ തീയതികളിലാണ്‌ അഞ്ചാമത്‌ ഇന്ത്യ ഫെസ്റ്റ്‌ അരങ്ങേറുന്നത്‌. മുന്‍കാലങ്ങളില്‍ നിന്ന്‌ വ്യത്യസ്‌തമായി ഇന്ത്യ സോഷ്യല്‍ സെന്ററിന്‌ പിറക്‌ വശത്തെ വിശാലമായ മൈതാനത്താണ്‌ പരിപാടി അരങ്ങേറുന്നത്‌. കൂടുതല്‍ സ്റ്റാളുകള്‍ സ്ഥാപിക്കാനും ആളുകളെ ഉള്‍ക്കൊളളാനും വേണ്ടിയാണിത്‌. ആഘോഷത്തിന്റെ ഭാഗമായി ഇന്ത്യന്‍ എംബസി കള്‍ച്ചറള്‍ വിഭാഗത്തിന്റെ നാടന്‍ കലാപരിപാടിയും മുതുകാടിന്റെ മാജിക്കും തൈക്കുടം ബ്രിഡ്‌ജ്‌ അവതരിപ്പിക്കുന്ന സംഗീത പരിപാടിയുമെല്ലാം അരങ്ങേറും. മേളയുടെ പത്ത്‌ ദര്‍ഹത്തിന്റെ പ്രവേശനകൂപ്പണ്‍ നറുക്കെടുത്ത്‌ വിജയികള്‍ക്ക്‌ പ്യൂഷൊ കാറടക്കം ഇരുപത്തഞ്ചോളം സമ്മാനങ്ങളും ലഭ്യമാക്കും.
യു.എ.ഇ ഓപ്പണ്‍ കായികമേള നവംബര്‍ 14 ന്‌ ഇന്ത്യ സോഷ്യല്‍ സെന്റര്‍ സംഘടിപ്പിക്കും. മത്സരങ്ങള്‍ നടക്കുന്നത്‌ അബുദാബി ആംഡ്‌ ഓഫീസേഴ്‌സ്‌ ക്ലബ്ബിലാണ്‌. ഷൈനി വില്‍സണ്‍ മുഖ്യാതിഥിയായിരിക്കും. 55 ഓളം മത്സരങ്ങളുണ്ട്‌. 5 വയസ്സ്‌ മുതല്‍ 45 വയസ്സുവരെയുളള എല്ലാ ഇന്ത്യക്കാര്‍ക്കും ഈ മത്സരത്തില്‍ പങ്കെടുക്കാം. ദമ്പതികള്‍ക്ക്‌ പ്രത്യേക മത്സരങ്ങള്‍ ഉണ്ട്‌. നവംബര്‍ 21 നാണ്‌ ക്വിസ്‌ മത്സരങ്ങള്‍. 100 ദിര്‍ഹമാണ്‌ ക്വിസ്‌ മത്സരത്തിന്റെ രജിസ്‌ട്രേഷന്‍ ഫീസ്‌.
https://www.facebook.com/Malayalivartha
