കുവൈറ്റിൽ സ്വദേശിവൽക്കരണം നടപ്പാക്കാനായി സമയപരിധി നിശ്ചയിക്കുന്നത് അസാധ്യമാണെന്ന് ധനമന്ത്രി മറിയം അല്‍ അകീല്‍ പറഞ്ഞു. തൊഴിൽ കേന്ദ്രങ്ങളിലെ ആവശ്യവും വിദ്യാഭ്യാസ യോഗ്യതയുള്ള സ്വദേശികളുടെ എണ്ണവും തമ്മിൽ ബാലൻസ് ചെയ്യേണ്ടതുണ്ടെന്ന് അവർ വ്യക്തമാക്കി.

നേരത്തെ,സ്വദേശികളുടെ തൊഴിലില്ലായ്മ പരിഹരിക്കുന്നതിനായി സ്വദേശിവത്കരണ പദ്ധതി പൂര്‍ത്തിയാക്കുന്നതിന് സമയക്രമം പ്രഖ്യാപിക്കണമെന്ന് മനുഷ്യാവകാശ സമിതി അധ്യക്ഷന്‍ ഖലീല്‍ അല്‍ സാലെ എം‌പി ആവശ്യപ്പെട്ടതിന് പിന്നാലെയാണ് ധനമന്ത്രി മറുപടിയുമായി രംഗത്തെത്തിയത്.