നീണ്ട രണ്ടു മാസത്തെ കാത്തിരിപ്പിനൊടുവിൽ ബുധനാഴ്ച ഉച്ചയ്ക്ക് പ്രാദേശിക സമയം 1.04നാണ് അലാസ്‌കയിൽ സൂര്യന്‍ ഉദിച്ചത്.നവംബര്‍ 18നായിരുന്നു അവസാനമായി ഇവിടെ സുര്യന്‍ അസ്തമിച്ചത്. അതിനു ശേഷം 66 ദിവസങ്ങള്‍ ഇവിടെ സൂര്യനുദിച്ചതേ ഇല്ല. സൂര്യൻ ഉദിച്ചപ്പോൾ ഉള്ള താപനില മൈനസ് 13 ഡിഗ്രി ആയിരുന്നു. ഉച്ചക്ക് 1.04 ന് ഉദിച്ച സൂര്യൻ 2.14ന് അസ്തമിക്കുകയും ചെയ്തു

ഇനിയുള്ള ദിവസങ്ങളില്‍ ഇവിടെ പകലിന് ദൈര്‍ഘ്യം കൂടിക്കൂടി വരും. ഫെബ്രുവരിയോടെ ദിവസവും ശരാശരി നാല് മണിക്കൂര്‍ സൂര്യപ്രകാശം ലഭിക്കും. പകലിന്റെ ദൈര്‍ഘ്യം കൂടുന്ന പ്രവണത മേയ് 12 വരെ തുടരും. പിന്നീട് ഉദിച്ചുനില്‍ക്കുന്ന സൂര്യന്‍ ഓഗസ്റ്റ് രണ്ട് വരെ അസ്തമിക്കാതെ നില്‍ക്കും.
ഇവിടെ ആൾ താമസം ഉള്ള സ്ഥലമാണ്. പക്ഷെ ആകെ 4300 പേര്‍ മാത്രമാണ് അലാസ്കയിലെ ബാറോ പ്രദേശത്ത് ഇപ്പോൾ താമസിക്കുന്നത്.

ഈയാഴ്ച ഇടയ്ക്കിടയ്ക്ക് സൂര്യപ്രകാശം കാണാനാവുമെങ്കിലും ശരാശരി താപനില മൈനസ് 10ന് താഴെ തന്നെയായിരിക്കും. സൂര്യന്‍ അസ്തമിക്കാത്ത മാസങ്ങളില്‍ പോലും താപനില 47 ഡിഗ്രിയില്‍ കൂടാറുമില്ല.