റഷ്യയിലെ 11 മാസം പ്രായമുള്ള കുഞ്ഞിനെ അടുപ്പിലിട്ട് കൊന്നകേസിൽ മുത്തശ്ശൻ അറസ്റ്റിൽ. 47 ക്കാരനായ മിയാ​ഗഷോവാണ് അറസ്റ്റിലായത് . മദ്യ ലഹരിയില്‍ ഇയാൾ തന്റെ കൊച്ചുമകനായ മാക്സിം സ​ഗലക്കോവിനെ ജീവനോടെ അടുപ്പില്‍ വലിച്ചെറിഞ്ഞ് കൊല്ലുകയായിരുന്നു. റഷ്യയിലെ ഖഖാസിയയിലാണ് ചൊവ്വാഴ്ചയാണ് ക്രൂരമായ സംഭവം നടക്കുന്നത് . കഥ ഇങ്ങനെ :-

മിയാ​ഗഷോവിന്റെ മകള്‍ വിക്ടോറിയയുടെ മകനാണ് മാക്സിം സ​ഗലക്കോവ്. മാക്സിമിനെ സുരക്ഷിതമായി മാതാപിതാക്കളുടെ കൈകളില്‍ ഏല്‍പ്പിച്ചിട്ടാണ് 20കാരിയായ വിക്ടോറിയ പുറത്ത് പോയത്. പിന്നീട് വീട്ടിലേക്ക് തിരിച്ച്‌ വന്നപ്പോഴാണ് തന്റെ പിഞ്ചോമനയുടെ കത്തിക്കരിഞ്ഞ ശരീരം അടുപ്പിനുള്ളില്‍നിന്ന് കണ്ടെത്തിയത്.ആളിക്കത്തുന്ന അടുപ്പിനുള്ളില്‍നിന്നാണ് കുഞ്ഞിന്റെ ശരീരം കണ്ടെടുത്തത്. ശരീരത്തിന്റെ പകുതിയിലേറെ ഭാ​ഗവും പൊള്ളലേറ്റ നിലയിലായിരുന്നു. മദ്യലഹരിയില്‍ ആയിരുന്ന തന്റെ മാതാപിതാക്കളാണ് കുഞ്ഞിനെ കൊന്നതെന്ന് യുവതി പൊലീസില്‍ മൊഴി നല്‍കി.

എന്നാല്‍ യഥാര്‍ത്ഥത്തില്‍ കുഞ്ഞ് മരിച്ചെതങ്ങനെയാണെന്ന് വ്യക്തമല്ല. കേസില്‍ മിയാ​ഗഷോവിനൊപ്പം ഭാര്യയെയും പൊലീസ് അറസ്റ്റ് ചെയ്തു. സംഭവത്തില്‍ പൊലീസ് അന്വേഷണം ആരംഭിച്ചിരിക്കുകയാണ്.