പ്രവാസികൾക്ക് സന്തോഷ വാർത്ത; സൗദി കിരീടാവകാശി ഇന്ത്യാ സന്ദര്‍ശനത്തിനൊരുങ്ങുന്നു
പ്രവാസികൾക്ക് സന്തോഷ വാർത്ത . സൗദി കിരീടാവകാശി മുഹമ്മദ് ബിന്‍ സല്‍മാന്‍ ഇന്ത്യ സന്ദർശിക്കാനൊരുങ്ങുന്നു. ഏഷ്യന്‍ രാജ്യങ്ങളുമായുള്ള സഹകരണം മെച്ചപ്പെടുത്തുന്നതിന്റെ ഭാഗമായാണ് കിരീടാവകാശി ഇന്ത്യ അടക്കമുള്ള രാജ്യങ്ങൾ സന്ദർശിക്കുന്നത്. ഇന്ത്യയെ കൂടാതെ , പാകിസ്ഥാന്‍, ജപ്പാന്‍, ചൈന തുടങ്ങിയ രാജ്യങ്ങളും അദ്ദേഹം സന്ദര്‍ശിക്കും. എന്നാൽ ഇതുമായി ബന്ധപ്പെട്ട് ഇതുവരെ ഔദ്യോഗിക പ്രഖ്യാപനം ഉണ്ടായിട്ടില്ല . നേരത്തെ നവംബറില്‍ നടന്ന ജി-20 ഉച്ചകോടിയില്‍ വെച്ച് പ്രധാനമന്ത്രി നരേന്ദ്രമോദിയുമായി അദ്ദേഹം കൂടിക്കാഴ്ച നടത്തിയിരുന്നു.
സന്ദർശനവുമായി ബന്ധപ്പെട്ട് ഔദ്യോഗിക പ്രഖ്യാപനം പുറത്തുവന്നിട്ടില്ലെങ്കിലും നയതന്ത്ര വൃത്തങ്ങള്‍ നല്‍കുന്ന സൂചന അനുസരിച്ച് ഫെബ്രുവരി മാസത്തില്‍ സന്ദര്‍ശനമുണ്ടായേക്കും. വരുന്ന ജൂണിൽ ജപ്പാനില്‍ വെച്ച് നടക്കാനിരിക്കുന്ന ജി-20 ഉച്ചകോടിക്ക് മുന്നോടിയായാണ് മുഹമ്മദ് ബിന്‍ സല്‍മാന്റെ സന്ദര്‍ശനം.
കഴിഞ്ഞ വര്‍ഷം പ്രധാനമന്ത്രി നരേന്ദ്രമോദിയുമായുള്ള കൂടിക്കാഴ്ചയില്‍ ഊര്‍ജം, പ്രതിരോധം, ഭക്ഷ്യ സുരക്ഷ, കാര്‍ഷികം തുടങ്ങിയ മേഖലകളില്‍ സഹകരണത്തിന് ധാരണയായിരുന്നു. സൗദി ആരാംകോയുമായി സഹകരിച്ചുള്ള വിവിധ പദ്ധതികളും ഇന്ത്യ പ്രഖ്യാപിച്ചിരുന്നു.
https://www.facebook.com/Malayalivartha
