അബുദാബിയിലെ സാദിയാത്ത് ദ്വീപിലുള്ള വിഖ്യാത മ്യൂസിയമായ ല​വ്റേ അ​ബു​ദാ​ബി മ്യൂ​സി​യ​ത്തി​ൽ ഇന്ത്യയിലും യൂറോപ്പിലും നിന്നുമുള്ള പൗരാണിക ക്രൈസ്തവ ഹൈന്ദവ വിഗ്രഹങ്ങളും ചിത്രങ്ങളും കാണികളുടെ ശ്രദ്ധ പിടിക്കുന്നു.ഇ​സ്‌​ലാ​മി​ക പാരമ്പര്യത്തിനൊപ്പമോ, അതിലേറെയോയാണ് ഈ മ്യൂസിയത്തിലെ ഹൈന്ദവ , ക്രൈസ്തവ ,ഹിന്ദു , ഗ്രീക്ക്,ചൈനീസ് പൗരാണികതകളുടെ പ്രദർശനത്തിന്റെ പ്രത്യേകതയെന്നത് തന്നെ .

യേ​ശു​ക്രി​സ്തു​വി​ന്‍റെ​യും ക​ന്യ​കാ​മാ​താ​വി​ന്‍റെ​യും ഉ​ണ്ണി​യേ​ശു​വി​നെ കൈ​ക​ളി​ലേ​ന്തി നി​ൽ​ക്കു​ന്ന മാ​താ​വി​ന്‍റെ​യും പ​ഴ​ക്കം ചെ​ന്ന നി​ര​വ​ധി മാ​തൃ​ക​ക​ളും ചി​ത്ര​ങ്ങ​ളും കു​രി​ശു​ക​ളും പെ​യി​ന്‍റിം​ഗു​ക​ളും ശേ​ഖ​ര​ത്തി​ൽ പ്ര​ദ​ർ​ശി​ച്ചിരിക്കുന്നു .1500ലേ​റെ വ​ർ​ഷം പ​ഴ​ക്ക​മു​ള്ളഉ​ണ്ണി​യും ക​ന്യ​ക​യു​മെ​ന്ന ശി​ല്പം ഫ്രാ​ൻ​സി​ലെ നോർമണ്ടിയിൽ നിന്ന് കൊണ്ടുവന്നതാണ് . ഇതിനു പുറമേ , ഫ്രാ​ൻ​സി​ലെ ത​ന്നെ ലി​മോ​സി​നി​ൽ​നി​ന്നു കൊ​ണ്ടു​വ​ന്ന അ​മൂ​ല്യ ര​ത്ന​ങ്ങ​ൾ പ​തി​ച്ച വ​ർ​ണ​ക്കു​രി​ശി​ന് 1250-ാം ആ​ണ്ടി​ലേ​താ​ണെ​ന്ന് മ്യൂ​സി​യം അ​ധി​കൃ​ത​ർ പ​റ​ഞ്ഞു. കൂട്ടത്തിൽ 1300 കാ​ല​ഘ​ട്ട​ത്തി​ലെ കു​രി​ശു പ​തി​ച്ച ക​ല്ലി​ൽ തീ​ർ​ത്ത ശ​വ​ക്ക​ല്ല​റ​യുമുണ്ട് .

വ​ലി​യ ആന കൊമ്പിൽ കൊ​ത്തി​യെ​ടു​ത്ത, യേ​ശു​ക്രി​സ്തു​വി​ന്‍റെ ജീ​വി​ത ക​ഥ​ക​ളു​ടെ 1350-1400 കാ​ല​ഘ​ട്ട​ത്തി​ലെ ശേ​ഖ​ര​വും അ​മൂ​ല്യ​മാ​ണ്. ജ​ർ​മ​നി​യി​ൽ​നി​ന്നു കി​ട്ടി​യ​താ​ണി​ത്. ക്രൂ​ശി​ത​നാ​യ യേ​ശു​വി​ന്‍റെ 1,500 വ​ർ​ഷം പ​ഴ​ക്ക​മു​ള്ള, ഗ്രീ​സി​ൽ​നി​ന്നു കി​ട്ടി​യ ഓ​യി​ൽ പെ​യി​ന്‍റിം​ഗ് ആ​ണ് മ്യൂ​സി​യ​ത്തി​ലെ മ​റ്റൊ​രു അ​മൂ​ല്യ ശേ​ഖ​രം. ത​മി​ഴ്നാ​ട്ടി​ലെ ചോ​ള രാ​ജ​വം​ശ​ത്തി​ന്‍റെ ശേ​ഖ​ര​ത്തി​ലു​ണ്ടാ​യി​രു​ന്ന​താ​ണ് 950 -1000 വ​ർ​ഷ​ങ്ങ​ളി​ലെ പൗ​രാ​ണി​ക​ത​യു​ള്ള ഡാ​ൻ​സ് ചെ​യ്യു​ന്ന ശി​വ​ന്‍റെ രൂ​പം. ചൈ​ന​യി​ലെ ഷാ​ൻ​സി പ്ര​വി​ശ്യ​യി​ൽ​നി​ന്നു കി​ട്ടി​യ ബു​ദ്ധ​പ്ര​തി​മ 1050-1150 കാ​ല​ഘ​ട്ട​ത്തി​ലേ​താ​ണ്.

മ​ത​സൗ​ഹാ​ർ​ദ​ത്തി​നും സ​ഹ​വ​ർ​ത്തി​ത്വ​ത്തി​നും യു​എ​ഇ ന​ൽ​കു​ന്ന പ്രാ​ധാ​ന്യം ആ​ധു​നി​ക​മാ​യ ല​വ്റേ മ്യൂ​സി​യ​ത്തി​ൽ തെ​ളി​യു​ന്നു​വെ​ന്ന് അ​മേ​രി​ക്ക​യി​ൽ​നി​ന്നെ​ത്തി​യ ജോ​ർ​ജ് വെ​ൽ​സും സോ​ഫി​യ, ഇ​സ​ബെ​ല്ല തു​ട​ങ്ങി​യ​വ​രും പ​റ​ഞ്ഞു.