കേരളപോസീനെ കുറിച്ച് ഇപ്പോഴും മലയാളികള്‍ക്ക് ഇടയില്‍ അഭിപ്രായം അത്ര നല്ലതൊന്നും അല്ല. എന്ത് നല്ലതു കേരള പോലീസ് ചെയ്താലും മലയാളികളുടെ മനോഭാവത്തിന് അത്ര മാറ്റമെനാന്നും ഇല്ല താനും. പോലീസിനിടയിലുള്ള ചിലരുടെ പ്രവര്‍ത്തികള്‍ കൊണ്ടാണ് അത് മാറാത്തത് എന്നത് മറ്റൊരു സത്യം. എന്നാല്‍ ഇപ്പോള്‍ കേരളാപോലീസ് തങ്ങളുടെ ഖ്യാതി അങ്ങ് ദുബായാവരെ എത്തിച്ചിരിക്കുന്നു. ദുബായില്‍ നടന്ന ലോക ഗവണ്‍മെന്റ് ഉച്ചകോടിയില്‍ കേരള പോലീസിന് പുരസ്‌കാരം. മൊബൈല്‍ ഗെയിമിലൂടെ ആളുകളെ ബോധവത്കരിക്കുന്നതിനുള്ള മികച്ച ഗെയിമിഫിക്കേഷന്‍ സേവനം തയ്യാറാക്കിയതിനാണിത്. സുരക്ഷിത ഡ്രൈവിങ്ങിനായുള്ള ട്രാഫിക് ഗുരു എന്ന ഗെയിമാണ് പുരസ്‌കാരത്തിനര്‍ഹമായത്.

ഐക്യരാഷ്ട്രസഭയുടേതുള്‍പ്പെടെയുള്ള എന്‍ട്രികളെ പിന്തള്ളിയാണ് കേരള പോലീസ് ഈ നേട്ടം സ്വന്തമാക്കിയത്. യു.എ.ഇ. ഉപപ്രധാനമന്ത്രിയും പ്രസിഡന്‍ഷ്യല്‍കാര്യ മന്ത്രിയുമായ ശൈഖ് മന്‍സൂര്‍ ബിന്‍ സായിദ് ബിന്‍ ഖലീഫ അല്‍ നഹ്‌യാനില്‍നിന്ന് കേരള പോലീസിലെ ആംഡ് ബറ്റാലിയന്‍ ഡി.ഐ.ജി. പി. പ്രകാശ് പുരസ്‌കാരം ഏറ്റുവാങ്ങി. വ ിവിധ ട്രാഫിക് നിയമങ്ങളും ഡ്രൈവിങ് രീതികളും അനായാസം മനസ്സിലാക്കാന്‍ സഹായിക്കുന്നതാണ് ഈ ത്രീഡി ഗെയിം ആപ്പ്. ഡ്രൈവിങ് മെച്ചപ്പെടുത്തണമെന്ന് ആഗ്രഹിക്കുന്ന എല്ലാവര്‍ക്കും ഇത് ഏറെ പ്രയോജനപ്രദമാണ്. കേരള പോലീസിന്റെ ഈ നേട്ടം ഏറെ മികച്ചതാണ് അതുകൊണ്ട് തന്നെയാണ് ഇത്രയും മികച്ച നേട്ടവും പ്രശസ്തിയും ദുബായിവെരെ എത്തിക്കാന്‍ കേരളപോലീസിനായതെന്നത് ലോകമെമ്പാടുമുള്ള മലയാളിക്ക് അഭിമാനിക്കാവുന്ന ഒന്നാണ്.