യുഎഇ മുഴുവൻ കണ്ണീരോടെ പ്രാർഥിക്കുന്നത് ഒരു കൊച്ചു കുഞ്ഞിന്റെ ജീവന് വേണ്ടി. . കെട്ടിടത്തിന്റെ പത്താം നിലയിൽ നിന്ന് ജനാലയിലൂടെ വഴുതി വീണ ഒന്നര വയസ്സുകാരി മരണത്തോട് മല്ലിടിക്കുകയാണ് . ജനാലകൾക്കിടയിലൂടെ ഊർന്നു വീണ കുട്ടി ഫ്ലാറ്റിൽ നിർത്തിയിട്ടിരുന്ന കാറിനു മുകളിലേക്ക് ശക്തിയായി വന്നു വീഴുകയായിരുന്നു .

ചില്ല് തകര്‍ത്തു കാറിന് അകത്തേയ്ക്ക് വീണ കുട്ടിക്ക് സാരമായി പരിക്കേറ്റു. ദേഹമാസകലം പരുക്കേറ്റ കുട്ടിയില്‍ ജീവന്റെ ഒരു തരി ബാക്കി നിന്നത് വലിയ അത്ഭുതമാണെന്ന് ഡോക്ടര്‍മാര്‍ പറയുന്നു.. റാസൽഖൈമ സഖർ ആശുപത്രിയിലെ തീവ്രപരിചരണ വിഭാഗത്തിലാണ് കുഞ്ഞ് മരണത്തോടെ മല്ലടിച്ച് കഴിയുന്നത്.

അടിയന്തര ശസ്ത്രക്രിയക്ക് വിധേയമാക്കിയ ശേഷം കുട്ടിയെ ഉബൈദുല്ല ആശുപത്രിയില്‍ വിദഗ്ധ പരിശോധനയ്ക്കും വിധേയമാക്കിയിരുന്നു.

കുട്ടിയുടെ പിതാവ് സാധനങ്ങള്‍ വാങ്ങിക്കാന്‍ സൂപ്പര്‍മാര്‍ക്കറ്റിലേയ്ക്ക് പോയ സമയത്തായിരുന്നു സംഭവം. മാതാവ് ആറ് വയസുകാരനായ മൂത്ത മകനെ പിറ്റേന്ന് രാവിലെ സ്‌കൂളിലേയ്ക്ക് വിടാനുള്ള ഒരുക്കങ്ങള്‍ നടത്തുകയായിരുന്നു. ജനാലയ്ക്ക് അടുത്തുണ്ടായിരുന്ന സോഫയില്‍ കയറിയ കുട്ടി അപകടത്തിലേയ്ക്ക് തെന്നി വീണത് ആരുടേയും ശ്രദ്ധയിൽ പെട്ടില്ല . ഞായറാഴ്ച രാത്രി 11.15നായിരുന്നു കുഞ്ഞ് ഫ്ലാറ്റിന്റെ ജനാലവഴി താഴേയ്ക്ക് വീണത്.